Mahesh Babu: ఇకపై గ్యాప్ ఇవ్వడానికి వీల్లేదంట!
Mahesh Babu no gap - త్రివిక్రమ్ దర్శకత్వంలో ఓ సినిమా చేస్తున్నాడు మహేష్. ఇకపై ఈ మూవీకి గ్యాప్స్ ఇవ్వడంట. దీనికి ఓ రీజన్ ఉంది
త్రివిక్రమ్ సినిమా.. ఇంటి సెట్ ఉండాల్సిందే
మహేష్ బాబుతో సినిమా అంటేనే గ్యాప్స్ వ్యవహారం. ఎప్పుడు సెట్స్ పైకి వస్తాడో, ఎప్పుడు విదేశీ ప్రయాణాలు పెట్టుకుంటాడో ఎవ్వరూ చెప్పలేరు. మధ్యలో యాడ్స్ షూటింగ్స్ అదనం. దీంతో మహేష్ తో సినిమా అంటే ఆ షూటింగ్ పడుతూలేస్తూ సాగుతుంటుంది. అందుకే ఏడాదికి ఒక సినిమా వస్తే కష్టం.
అయితే త్రివిక్రమ్ సినిమా కోసం మాత్రం మహేష్ రూటు మార్చాడు. వరుసగా కాల్షీట్లు ఇచ్చాడు. ఒక షెడ్యూల్ అయిన వెంటనే, మరో షెడ్యూల్ మొదలుపెడుతున్నాడు. ఇప్పటికే ఈ సినిమా లేట్ అవుతోంది. మహేష్ బ్యాక్ టు బ్యాక్ కాల్షీట్లు ఇవ్వడానికి ఇదొక కారణమైతే, మరో ముఖ్యకారణం కూడా ఉంది.
మహేష్-త్రివిక్రమ్ సినిమా స్ట్రీమింగ్ రైట్స్ ను నెట్ ఫ్లిక్స్ సంస్థ భారీ మొత్తానికి దక్కించుకున్న సంగతి తెలిసిందే. అయితే ఆ ఎగ్రిమెంట్ లో రిలీజ్ డేట్ పై ఓ కండిషన్ పెట్టారట. ప్రకటించిన తేదీకి సినిమాను విడుదల చేయకపోతే పేమెంట్ లో కటింగ్ తప్పదు.
మహేష్ ఇలా శరవేగంగా షూటింగ్ చేయడానికి ఇది కూడా ఓ కారణమని తెలుస్తోంది. పూజా హెగ్డే, శ్రీలీల హీరోయిన్ గా నటిస్తున్న ఈ సినిమాకు తమన్ సంగీతం అందిస్తున్నాడు.