గుజరాత్‌లో స్వైన్‌ ఫ్లూ విజృంభణ... 27 మంది మృతి

తెలంగాణలో జాడ బయటపడిన స్వైన్‌ ఫ్లూ ఇప్పటికే గుజరాత్‌ రాష్ట్రాన్ని వణికిస్తోంది. దీని విజృంభణకు జనం పిట్లల్లా రాలిపోతున్నారు. గత ఆగస్టు 1 నుంచి నేటి వరకు 169 స్వైన్‌ఫ్లూ కేసులు నమోదయ్యాయి. ఈ విషయాన్ని గుజరాత్ రాష్ట్ర ఆరోగ్య శాఖ ప్రకటించింది. ఒక్క నెలలోనే 27 మంది స్వైన్‌ఫ్లూ బారిన పడి మృతి చెందారని మిగతా వాళ్లు వివిధ ఆస్పత్రుల్లో చికిత్స పొందుతున్నారని వైద్య అధికారులు తెలిపారు. కొత్తగా మరో ఐదుగురికి స్వైన్‌ఫ్లూ సోకినట్టు నిర్దారించారు.