Bholaa Shankar - చిరంజీవి సినిమా విడుదల తేదీ ఫిక్స్
Bholaa Shankar - చిరంజీవి నటిస్తున్న తాజా చిత్రం భోళాశంకర్. ఉగాది సందర్భంగా ఈ సినిమా విడుదల తేదీ ప్రకటించారు.
మెగాస్టార్ చిరంజీవి, మెహర్ రమేష్ ల క్రేజీ ప్రాజెక్ట్ “భోళా శంకర్”. ఈ మెగా మాసివ్ యాక్షన్ ఎంటర్‌టైనర్‌ను రామబ్రహ్మం సుంకర అత్యంత ప్రతిష్టాత్మకంగా నిర్మిస్తున్నారు. ఉగాది పండగని పురస్కరించుకొని 'భోళా శంకర్' మేకర్స్ మెగా అప్డేట్ ఇచ్చారు.
ఆగస్ట్ 11, 2023న 'భోళా శంకర్' చిత్రాన్ని ప్రపంచవ్యాప్తంగా థియేటర్‌లలో గ్రాండ్ గా విడుదల చేస్తున్నట్లు అనౌన్స్ చేశారు. ఈ సందర్భంగా విడుదల చేసిన అనౌన్స్ మెంట్ పోస్టర్ లో మెగా చిరంజీవి గ్రీన్ కుర్తా, షేడ్స్ లో హ్యాండ్సమ్ గా కనిపించగా... రాయల్ చైర్ లో కూర్చున కీర్తి సురేష్, తమన్నాలు ట్రెడిషనల్ వేర్ లో పండగ కళ ఉట్టిపడేలా అందంగా కనిపించారు.
ఇప్పటికే విడుదలైన 'భోళా శంకర్' ప్రమోషనల్ కంటెంట్ కు అద్భుతమైన రెస్పాన్స్ వచ్చింది. ఈ చిత్రంలో కీలక పాత్రల్లో ప్రముఖ నటీనటులు నటిస్తున్నారు. తమన్నా హీరోయిన్ గా నటిస్తుండగా, కీర్తి సురేష్ చిరంజీవి సిస్టర్ గా కనిపించనుంది. హీరో సుశాంత్ ప్రత్యేకమైన పాత్రలో కనిపించనున్నారు.
క్రియేటివ్ కమర్షియల్స్‌తో కలిసి అనిల్ సుంకర ఎకె ఎంటర్‌టైన్‌మెంట్స్ ఈ చిత్రాన్ని నిర్మిస్తోంది. డూడ్లీ డీవోపీగా పని చేస్తున్నారు. సత్యానంద్ కథ పర్యవేక్షణ చేయగా తిరుపతి మామిడాల డైలాగ్స్ అందిస్తున్నారు.