వన్డే మ్యాచ్ ల డబుల్ సెంచరీకి రోహిత్ రెడీ

• హామిల్టన్ వేదికగా రేపు రోహిత్ 200వ వన్డే
• 199 వన్డేల్లో 22 సెంచరీలతో 7వేల 799 పరుగుల రోహిత్
• 2007లో బెల్ పాస్ట్ వేదికగా ఐర్లాండ్ పై వన్డే అరంగేట్రం

టీమిండియా డాషింగ్ ఓపెనర్ రోహిత్ శర్మ…ఇన్ స్టంట్ వన్డే క్రికెట్లో…మ్యాచ్ ల డబుల్ సెంచరీకి సిద్ధమయ్యాడు. న్యూజిలాండ్ తో పాంచ్ పటాకా సిరీస్ లో భాగంగా…హామిల్టన్ స్నెడన్ పార్క్ వేదికగా.. రేపు జరిగే నాలుగో వన్డేతో…రోహిత్ 200 మ్యాచ్ ల రికార్డును పూర్తి చేయనున్నాడు.

ఇప్పటి వరకూ ఆడిన మ్యాచ్ ల్లో…రోహిత్ మొత్తం 199 ఇన్నింగ్స్ లో 7 వేల 799 పరుగులు సాధించాడు. ఇందులో 22 సెంచరీలు, 39 హాఫ్ సెంచరీలు ఉన్నాయి. రోహిత్ తన వన్డే కెరియర్ లోని 200వ మ్యాచ్ లో టీమిండియాకు కెప్టెన్ గా వ్యవహరించబోతున్నాడు.