హార్థిక్ పాండ్యా, రాహుల్ లపై  తొలగిన నిషేధం

• న్యూజిలాండ్ సిరీస్ కు పాండ్యాకు లైన్ క్లియర్
• ఇండియా-ఏ జట్టు తరపున ఇక రాహుల్ ఆడే అవకాశం
• నిషేధం ఎత్తివేత నిర్ణయం తక్షణమే అమలు

టీమిండియా వివాదాస్పద క్రికెటర్లు హార్థిక్ పాండ్యా, కెఎల్ రాహుల్ లపై విధించిన నిషేధాన్ని తక్షణమే తొలగిస్తున్నట్లు బీసీసీఐ పాలకమండలి ప్రకటించింది.

కాఫీ విత్ కరణ్ షోలో ..మహిళలపై అనుచిత వ్యాఖ్యలు చేసి..దేశవ్యాప్తంగా విమర్శలు ఎదుర్కొన్న ఈ ఇద్దరు యువక్రికెటర్లపై రెండువారాల క్రితమే బీసీసీఐ పాలకమండలి నిషేధం విధించింది.

సుప్రీంకోర్టు ప్రత్యేకంగా నియమించే ఆంబుడ్సమన్ విచారణ వరకూ…. రాహుల్, పాండ్యాలపై నిషేధాన్ని సస్పెన్షన్ లో ఉంచినట్లు పాలకమండలి స్పష్టం చేసింది.

దీంతో…న్యూజిలాండ్ తో జరుగుతున్న వన్డే, టీ-20 సిరీస్ ల్లో పాల్గొనటానికి పాండ్యాకు మార్గం సుగమమయ్యింది.

రాహుల్ మాత్రం…రంజీ ట్రోఫీ లేదా…ఇండియా -ఏ జట్ల తరపున ఆడే అవకాశం ఉంది. పాండ్యా అందుబాటులో లేకపోడంతో… టీమిండియా సమతౌల్యం దెబ్బతిందంటూ… కెప్టెన్ కొహ్లీ మొరపెట్టుకొన్న కొద్ది గంటల్లోనే.. బీసీసీఐ పాలకమండలి ఈ నిర్ణయం తీసుకోడం విశేషం.