12 రోజుల క్రితం అక్క‌డ...అలాగే జ‌రిగింది!
అత్యంత దారుణంగా దుండ‌గులు తల్లి, కూతుళ్ల‌పై అత్యాచారం జ‌రిపిన బులంద్‌షార్ ప్రాంతంలో అదే ప్ర‌దేశంలో…అంత‌కు 12రోజుల ముందు కూడా అలాంటి ఘ‌ట‌నే జ‌రిగింద‌ని స‌మీప గ్రామ‌స్తులు అంటున్నారు. కొంత‌మంది దుండ‌గులు ఒక టెంపోలో ఓ మ‌హిళ‌ను తీసుకువ‌చ్చి ఆమెపై అత్యాచారం చేశార‌ని దోస్త్ పూర్ గ్రామానికి చెందిన వ్య‌క్తులు తెలిపారు. తాము అక్క‌డికి చేరుకుని చూసిన‌పుడు ఆ మ‌హిళ నిల‌బ‌డ‌లేని స్థితిలో ఉంద‌ని, అటుగా వెళుతున్న పోలీస్ వెహిక‌ల్‌ని ఆపి వారికి చెప్పామ‌ని అన్నారు. ఆ స్థ‌లంలో […]
అత్యంత దారుణంగా దుండ‌గులు తల్లి, కూతుళ్ల‌పై అత్యాచారం జ‌రిపిన బులంద్‌షార్ ప్రాంతంలో అదే ప్ర‌దేశంలో…అంత‌కు 12రోజుల ముందు కూడా అలాంటి ఘ‌ట‌నే జ‌రిగింద‌ని స‌మీప గ్రామ‌స్తులు అంటున్నారు. కొంత‌మంది దుండ‌గులు ఒక టెంపోలో ఓ మ‌హిళ‌ను తీసుకువ‌చ్చి ఆమెపై అత్యాచారం చేశార‌ని దోస్త్ పూర్ గ్రామానికి చెందిన వ్య‌క్తులు తెలిపారు. తాము అక్క‌డికి చేరుకుని చూసిన‌పుడు ఆ మ‌హిళ నిల‌బ‌డ‌లేని స్థితిలో ఉంద‌ని, అటుగా వెళుతున్న పోలీస్ వెహిక‌ల్‌ని ఆపి వారికి చెప్పామ‌ని అన్నారు. ఆ స్థ‌లంలో దుండ‌గులు వ‌దిలిపోయిన ఒక మొబైల్ ఫోన్‌ని కొన్ని దుస్తుల‌ను పోలీసుల‌కు అందించామ‌న్నారు.
పోలీసులు, మ‌హిళ‌తో పోలీస్ స్టేష‌న్‌కి వ‌చ్చి కంప్లయింట్ ఇవ్వ‌మ‌ని చెప్పి, ఫోన్ తీసుకుని అక్క‌డినుండి వెళ్లిపోయార‌ని వారు పేర్కొన్నారు. ఆ మ‌హిళ ప‌రిస్థితి చాలా దారుణంగా ఉన్నా పోలీసుల‌నుండి ఎలాంటి స‌హాయం అంద‌లేద‌ని వారు అన్నారు. అక్క‌డ త‌ర‌చుగా అత్యాచారాలు జ‌రుగుతున్నా ఎవ‌రూ ప‌ట్టించుకోవ‌టం లేద‌ని, పోలీసులు కూడా కేసులు న‌మోదు చేయ‌టం లేద‌ని, దాంతో ఆ ప్రాంతం దుండ‌గుల‌కు అడ్డాగా మారింద‌ని గ్రామ‌స్తులు అన్నారు. అందుకే వారు ప్ర‌యాణీకుల‌ను ఆపి అంత‌టి ఘెరానికి పాల్ప‌డ్డార‌ని….పోలీసులు అప్ర‌మ‌త్తంగా ఉండి ఉంటే ఆ దారుణం జ‌రిగి ఉండేది కాద‌ని గ్రామ‌స్తులు చెప్పారు.
శుక్ర‌వారం త‌ల్లితో పాటు అత్యాచారానికి గుర‌యిన బాలిక ప‌డిన బాధ‌ని ఆమె తండ్రి ఇంత‌కుముందు వెల్ల‌డించాడు. త‌న కూతురు… కాపాడు పాపా…అని ప‌రిగెత్తుతూ అరిచింద‌ని, ఇప్పుడు తాను ఆమె క‌ళ్ల‌లోకి చూడ‌లేక‌పోతున్నాన‌ని ఆవేద‌న చెందాడు. ఇక తాము ఆ ఊరికి వెళ్ల‌లేమ‌ని, అందుకే తాను స్నేహితుల ఇళ్ల‌లో ఉంటున్నాన‌ని, త‌మ కుమార్తెని స్కూలు కూడా మార్చాల్సి ఉంద‌ని ఆయ‌న అన్నాడు. అత్యాచారానికి గుర‌యిన మ‌హిళ‌లు హింస‌తో పాటు…తామే త‌ప్పు చేసిన‌ట్టుగా అవ‌మానాన్ని, అప‌రాధ భావ‌న‌ని కూడా భ‌రిస్తున్నార‌ని….ఆ బాధితుని మాట‌ల ద్వారా మ‌రోసారి స్ప‌ష్ట‌మైంది.
Click on Image to Read: