నిబంధ‌నలను ఉల్లంఘిస్తూ కృష్ణా జలాలను ఏపీ మళ్లిస్తోంది... తుంగభద్ర బోర్డుకు తెలంగాణ లేఖ
కెడబ్ల్యుడిటి అవార్డును ఆంధ్రప్రదేశ్ ఉల్లంఘించిందని తెలంగాణ ఇరిగేషన్ ఇంజనీర్ ఇన్ చీఫ్ సి మురళీధర్ తుంగభద్ర బోర్డుకు లేఖ రాశారు. ట్రిబ్యునల్ అవార్డులకు విరుద్ధంగా శ్రీశైలం నుంచి కేసీ కెనాల్‌కు నీటిని ఏపీ వినియోగించుకుంటోందని, ఆ నీటిని తుంగభద్ర డ్యాం నుంచి తుంగభద్ర రైట్‌ బ్యాంక్‌ హైలెవల్ కెనాల్‌కు పంపిస్తోందని ఆయన తెలిపారు.
కృష్ణా జలాల వివాదాల ట్రిబ్యునల్ (కెడబ్ల్యుడిటి)ని ఉల్లంఘిస్తూ ఆంధ్రప్రదేశ్ ప్రభుత్వం హైలెవల్ కెనాల్ (హెచ్‌ఎల్‌సి)కి ఉద్దేశించిన కృష్ణా నీటిని కెసి కెనాల్ ద్వారా తుంగభద్రకు మళ్లించడాన్ని తెలంగాణ ప్రభుత్వం తీవ్రంగా ఖండించింది. ఈ మళ్లింపును వెంటనే నిలిపివేయాలని తుంగభద్ర బోర్డును తెలంగాణ కోరింది.
కెడబ్ల్యుడిటి అవార్డును ఆంధ్రప్రదేశ్ ఉల్లంఘించిందని తెలంగాణ ఇరిగేషన్ ఇంజనీర్ ఇన్ చీఫ్ సి మురళీధర్ తుంగభద్ర బోర్డుకు లేఖ రాశారు. ట్రిబ్యునల్ అవార్డులకు విరుద్ధంగా శ్రీశైలం నుంచి కేసీ కెనాల్‌కు నీటిని ఏపీ వినియోగించుకుంటోందని, ఆ నీటిని తుంగభద్ర డ్యాం నుంచి తుంగభద్ర రైట్‌ బ్యాంక్‌ హైలెవల్ కెనాల్‌కు పంపిస్తోందని ఆయన తెలిపారు.
టిబి ఆర్‌బి ఎల్‌ఎల్‌సి ఇప్పటికే తుంగభద్ర డ్యామ్ నుండి తన వాటాను ఉపయోగించుకుంటోందని, అంతేకాకుండా అనధికారిక గురు రాఘవేంద్ర లిఫ్ట్ ఇరిగేషన్ స్కీమ్‌ల నుండి అదే ఆయకట్టుకు తుంగభద్ర నది నీటిని ఉపయోగించుకుంటుందని, రాజోలిబండ డైవర్షన్ స్కీమ్ (ఆర్‌డిఎస్), శ్రీశైలం, నాగార్జునసాగార్ల వద్ద తెలంగాణ ప్రయోజనాలను దెబ్బతీస్తున్నట్లు ఆయన తెలిపారు. .
బేసిన్ దాటి నీటిని మళ్లించడానికి అనుమతించని కేడబ్ల్యూడీటీ-ఐ, కేడబ్ల్యూడీటీ-2 అవార్డులకు ఏపీ నీటి మళ్లింపు పూర్తిగా విరుద్ధమని ఆయన బోర్డు దృష్టికి తీసుకొచ్చారు. తుంగభద్ర నీటిని సుంకేసుల ద్వారానే వినియోగించుకోవాలని మురళీధర్ అన్నారు.
