మోడీ గారూ, ఈ ఫ్లై ఓవర్ ఇంకా ఎన్నేళ్ళు కడతారు ? ...హైదరాబాద్ లో పోస్టర్లు

ఉప్పల్‌-నారపల్లి మధ్య కేంద్ర ప్రభుత్వం 5 ఏళ్ళ క్రితం మొదలు పెట్టిన ఫ్లై ఓవర్ పనులు ఇంకా 40 శాతం కూడా పూర్తి కాకపోవడంతో ఆ ప్రాంతంలో రోజూ ప్రయాణించే వేలాది మంది ప్రజలు తీవ్ర ఇబ్బందులకు గురవుతున్నారు. ఇదే విషయం పై రెండురోజుల క్రితం ఓ నెటిజన్ ట్వీట్టర్ లో తెలంగాణ మంత్రి కేటీఆర్ ను ప్రశ్నించారు కూడా.

రాష్ట్ర ప్రభుత్వం మొదలు పెట్తిన ఫ్లైఓవర్ లన్ని పూర్తయ్యాయని కేంద్ర ప్రభుత్వం చేతుల్లో ఉన్న ఆ ఫ్లై ఓవర్ ఇంకా పూర్తి కాలేదని అదే మోడి కి, కేసీఆర్ కు తేడా అని కేటీఆర్ ఆ నెటిజన్ కు జవాబు కూడా ఇచ్చారు.

ఈ నేపథ్యంలో అసంపూర్తిగా ఉన్న ఆ ఫ్లై ఓవర్ పిల్లర్లపై మోడిని ప్రశ్నిస్తూ ఈ రోజు పోస్టర్లు వెలిశాయి. మోడీ ఫోటోలతో కూడిన ఆ పోస్టర్లలో...

''మోడీ గారూ...ఈ ఫ్లై ఓవర్ ఇంకా ఎన్ని సంవత్సరాలు కడతారు?

పని ప్రారంభం 05మే ,2018

5ఏండ్లు అయినా ఉప్పల్ నారాపల్లి ఫ్లైఓవర్ 40% కూడా పూర్తి కాలేదు '' అని ప్రింట్ చేశారు.

మరి ఈ పోస్టర్లు చూసైనా కేంద్రం ఈ ఫ్లై ఓవర్ నిర్మాణాన్ని వేగవంతం చేస్తుందని ఆశించవచ్చా ?.