మియాపూర్‌లో కాల్పుల కలకలం
కాల్పుల‌కు గురైన దేవేందర్ కోల్‌క‌తాకు చెందిన‌వాడని పోలీసులు తెలిపారు. గుర్తు తెలియని వ్యక్తులు దేశ‌వాళీ తుపాకీతో దేవేంద‌ర్‌పై ఆరు రౌండ్లు కాల్పులు జ‌రిపార‌ని వారు చెప్పారు.
మియాపూర్‌లో బుధ‌వారం రాత్రి కాల్పులు కలకలం సృష్టించాయి. మదీనాగూడలోని సందర్శిని ఎలైట్ రెస్టారెంట్‌లో జనరల్ మేనేజర్ గా పనిచేస్తున్న దేవేందర్ గాయన్ (35)పై గుర్తు తెలియని వ్యక్తులు ఈ ఘాతుకానికి పాల్ప‌డ్డారు. ఈ ఘ‌ట‌న‌కు సంబంధించి మియాపూర్ పోలీసులు తెలిపిన వివ‌రాలిలా ఉన్నాయి.
కాల్పుల‌కు గురైన దేవేందర్ కోల్‌క‌తాకు చెందిన‌వాడని పోలీసులు తెలిపారు. గుర్తు తెలియని వ్యక్తులు దేశ‌వాళీ తుపాకీతో దేవేంద‌ర్‌పై ఆరు రౌండ్లు కాల్పులు జ‌రిపార‌ని వారు చెప్పారు. ఈ ఘ‌ట‌న‌లో తీవ్రంగా గాయ‌ప‌డిన దేవేంద‌ర్‌ను ఆస్ప‌త్రికి త‌ర‌లిస్తుండ‌గా మార్గంలోనే ప్రాణాలు కోల్పోయాడ‌ని వివ‌రించారు.
సంఘ‌ట‌న జ‌రిగింద‌ని స‌మాచారం తెలియ‌గానే మాదాపూర్ జోన్ డీసీపీ సందీప్‌రావు, మియాపూర్ ఏసీపీ న‌ర‌సింహారావు ఘ‌ట‌నాస్థ‌లానికి చేరుకొని ప‌రిశీలించారు. పాత క‌క్ష‌లో ఈ ఘ‌ట‌న‌కు కార‌ణంగా భావిస్తున్నామ‌ని ఈ సంద‌ర్భంగా వారు తెలిపారు. త్వ‌ర‌లో నిందితుల‌ను ప‌ట్టుకుంటామ‌ని ఈ సంద‌ర్భంగా డీసీపీ స్ప‌ష్టం చేశారు.
*
