అంత‌ర్జాతీయ క్రికెట్‌కు మాక్‌లియోడ్ గుడ్‌బై

స్కాట్లాండ్ బ్యాటర్ కాలమ్ మాక్‌లియోడ్ అంతర్జాతీయ క్రికెట్‌కు శ‌నివారం నాడు రిటైర్మెంట్ ప్రకటించాడు. మాక్‌లియోడ్ 2007లో అరంగేట్రం చేసిన తర్వాత స్కాట్లాండ్‌కు 229 మ్యాచుల్లో ఆడాడు.

"నా రిటైర్మెంట్ ప్రకటించిన తర్వాత, నేను ఇక్కడ కూర్చొని మొదటిసారిగా నన్ను ప్రేరేపించిన దాని గురించి ఆలోచిస్తే... అది 1999 ప్రపంచ కప్‌లో స్కాట్లాండ్ వర్సెస్ ఆస్ట్రేలియా మ్యాచ్‌ అవుతుంది" అని మాక్‌లియోడ్ ఒక ప్రకటనలో గుర్తు చేసుకున్నాడు.

కుడిచేతి వాటం బ్యాటర్ అయిన మాక్‌లియోడ్ ఇప్పుడు జ‌రుగుతున్న టి-20 ప్ర‌పంచ్ క‌ప్‌తో క‌లిపి స్కాట్లాండ్ త‌ర‌ఫున‌ ఐదు ప్రపంచ కప్‌లలో ఆడాడు. 88 వన్డేల్లో పది సెంచరీలతో సహా 3026 పరుగులు చేశాడు. కెనడా మరియు జింబాబ్వేపై అతను రెండు సందర్భాల్లో 150 పరుగులు చేసినప్పటికీ, 2018లో ఇంగ్లండ్‌పై అజేయంగా 140 పరుగులు చేయడం అత‌ని కెరీర్‌లో బెస్ట్ అని చెప్పొచ్చు. ఆ మ్యాచ్‌లో మాక్‌లియోడ్ బ్యాటింగ్‌ స్కాట్లాండ్‌కు గుర్తుండుపోయే థ్రిల్లింగ్ విజయాన్ని అందించింది, ఎందుకంటే వారు ఆరు పరుగుల తేడాతో 371 పరుగుల ల‌క్ష్యాన్ని ఛేదించారు. ''నా దేశం కోసం 229 సార్లు ఆడటం చాలా అదృష్టంగా భావిస్తున్నాను. ఇది నేను ఎప్పుడూ పెద్దగా పట్టించుకోని విషయం. ఇది చాలా గొప్ప గౌరవం మరియు ప్రత్యేకం''... అంటూ నెమ‌రు వేసుకున్నాడు.

గత నెలలో జింబాబ్వేతో జరిగిన మ్యాచ్‌లో స్కాట్‌లాండ్ త‌ర‌ఫున‌ మాక్‌లియోడ్ ఆఖరి ఆట ఆడాడు, ఆ టోర్నమెంట్‌లో మాక్‌లియోడ్ 25 పరుగులు చేశాడు. సూప‌ర్ 12 పోటీ గ్రూప్ నుంచి ఆ మ్యాచ్‌తోనే స్కాట్లాండ్ త‌ప్పుకోవాల్సి వ‌చ్చింది.