Telugu Global
National

రెండు చుక్క‌ల టీకాకు కేంద్రం ఓకే.. - కోవిడ్ కొత్త వేరియంట్ నేప‌థ్యంలో నిర్ణ‌యం

ఈ చుక్క‌ల మందు టీకా `ఇన్‌కొవాక్‌`కు బూస్ట‌ర్ డోస్‌గా వినియోగించేందుకు డ్ర‌గ్‌ కంట్రోల్ జ‌న‌ర‌ల్ ఆఫ్ ఇండియా న‌వంబ‌ర్‌లో అత్య‌వ‌స‌ర అనుమ‌తి ఇచ్చింది. తాజాగా దానికి కేంద్రం అనుమ‌తి ల‌భించింది.

రెండు చుక్క‌ల టీకాకు కేంద్రం ఓకే.. - కోవిడ్ కొత్త వేరియంట్ నేప‌థ్యంలో నిర్ణ‌యం
X

కోవిడ్ కొత్త వేరియంట్ ప్ర‌పంచ దేశాల‌ను భ‌యాందోళ‌న‌ల‌కు గురిచేస్తున్న నేప‌థ్యంలో కేంద్ర ప్ర‌భుత్వం మ‌న దేశంలో రెండు చుక్క‌ల టీకాకు ఆమోదం తెలిపింది. దేశీయ ఫార్మా సంస్థ భార‌త్ బ‌యోటెక్ దీనిని అభివృద్ధి చేసింది. ఈ నాసికా టీకాకు ఆమోదం తెలిపిన‌ట్టు కేంద్ర ఆరోగ్య శాఖ శుక్ర‌వారం వెల్ల‌డించింది. దేశంలో ప్ర‌స్తుతం నిర్వ‌హిస్తున్న టీకా కార్య‌క్ర‌మంలో భాగంగా శుక్ర‌వారం నుంచే ఈ టీకా దేశంలో అందుబాటులోకి రానుంది. ప్ర‌స్తుతం ప్రైవేటు ఆస్ప‌త్రుల్లో మాత్ర‌మే ఇది ల‌భించ‌నుంది. ఇప్ప‌టికే కోవిషీల్డ్‌, కోవాగ్జిన్ టీకాలు తీసుకున్న‌వారు ఈ నాసికా టీకాను హెటిరోలాగ‌స్ బూస్ట‌ర్ డోస్‌గా తీసుకోవ‌చ్చ‌ని అధికార వ‌ర్గాలు వెల్ల‌డించాయి.

న‌వంబ‌ర్‌లోనే అత్య‌వ‌స‌ర అనుమ‌తి..

ఈ చుక్క‌ల మందు టీకా `ఇన్‌కొవాక్‌`కు బూస్ట‌ర్ డోస్‌గా వినియోగించేందుకు డ్ర‌గ్‌ కంట్రోల్ జ‌న‌ర‌ల్ ఆఫ్ ఇండియా న‌వంబ‌ర్‌లో అత్య‌వ‌స‌ర అనుమ‌తి ఇచ్చింది. తాజాగా దానికి కేంద్రం అనుమ‌తి ల‌భించింది. 18 ఏళ్ల వ‌య‌సు దాటిన వారు ఈ టీకా వినియోగించ‌వ‌చ్చ‌ని అధికార వ‌ర్గాలు తెలిపాయి.

పండుగ సీజ‌న్ కోసం కొత్త మార్గ‌ద‌ర్శ‌కాలు..

రానున్న క్రిస్మ‌స్‌, నూత‌న సంవ‌త్స‌ర‌, సంక్రాంతి పండుగ‌ల‌ను పుర‌స్క‌రించుకొని కేంద్రం కొత్త మార్గ‌ద‌ర్శ‌కాల‌ను సిద్ధం చేస్తోంది. తాజా ప‌రిస్థితుల‌పై అప్ర‌మ‌త్తంగా ఉండాల‌ని, ఈ పండుగ సీజ‌న్‌లో అంద‌రూ కోవిడ్ నిబంధ‌న‌లు పాటించ‌డం త‌ప్ప‌నిస‌రని పేర్కొంది. మంగ‌ళ‌వారం నుంచి దేశ‌వ్యాప్తంగా ఆస్ప‌త్రుల్లో మాక్‌డ్రిల్స్ కూడా నిర్వ‌హించాల‌ని ఆదేశించింది.

First Published:  23 Dec 2022 7:46 AM GMT
Next Story