రైలులో మ‌హిళ‌పై అఘాయిత్యం.. - బిడ్డ‌ను రైల్లోంచి విసిరేస్తామ‌ని బెదిరించి దారుణం
బాధిత మ‌హిళ త‌న బిడ్డ‌తో క‌లిసి గువాహ‌టిలో శ‌నివారం మ‌ధ్యాహ్నం రైలెక్కింది. రైలు ఫ‌కీరాగ్రామ్ వ‌చ్చేసరికి దాదాపు ఖాళీ అయింది.
రైలులో దారుణం చోటుచేసుకుంది. చంటిబిడ్డ‌తో క‌లిసి ప్ర‌యాణిస్తున్న మ‌హిళ‌పై ఇద్ద‌రు యువ‌కులు అఘాయిత్యానికి పాల్ప‌డ్డారు. ఆమెను క‌ట్టేసి కొట్టి ఈ ఘాతుకానికి దిగారు. త‌మ‌కు స‌హ‌క‌రించక‌పోతే ఆమె బిడ్డ‌ను రైల్లోంచి విసిరేస్తామ‌ని బెదిరించి దారుణానికి ఒడిగ‌ట్టారు. అస్సాంలోని గువాహ‌టి నుంచి ప‌శ్చిమ‌బెంగాల్ లోని అలీపూర్ ద్వార్‌కు వెళ్లే సిఫాంగ్ ఎక్స్‌ప్రెస్ రైలులో ఈ ఘ‌ట‌న జ‌రిగింది.
బాధిత మ‌హిళ త‌న బిడ్డ‌తో క‌లిసి గువాహ‌టిలో శ‌నివారం మ‌ధ్యాహ్నం రైలెక్కింది. రైలు ఫ‌కీరాగ్రామ్ వ‌చ్చేసరికి దాదాపు ఖాళీ అయింది. ఈ క్ర‌మంలో అదే బోగీలో ప్ర‌యాణిస్తున్న అస్సాంకు చెందిన అబ్దు (25), మొయినుల్ హ‌క్ (26) ఆమెపై ఈ దారుణానికి ఒడిగ‌ట్టారు. రైలు అలీపూర్‌ద్వార్ జంక్ష‌న్‌కు వ‌చ్చిన అనంత‌రం బాధితురాలు రైల్వే పోలీసుల‌కు ఫిర్యాదు చేసింది. పోలీసులు వెంట‌నే గాలింపు చేప‌ట్టి శ‌నివారం రాత్రికి నిందితుల‌ను అరెస్ట్ చేశారు.
