క‌న్న‌బిడ్డ పాలిట తండ్రే య‌ముడు..
శ‌నివారం ఉద‌యం ప‌ట్ట‌రాని ఆగ్ర‌హానికి గురైన బాలిక తండ్రి ఆమెను గొడ్డ‌లితో న‌రికి హ‌త‌మార్చాడు. అత‌నికి కుమారులు రాధేశ్యామ్‌, ఘ‌న‌శ్యామ్‌లు కూడా స‌హ‌క‌రించారు.
క‌న్న కూతురిని తండ్రే య‌ముడై హ‌త‌మార్చిన దారుణ ఘ‌ట‌న ఉత్త‌ర‌ప్ర‌దేశ్‌లో ముజ‌ఫ‌ర్‌పూర్‌లో శ‌నివారం చోటుచేసుకుంది. కుటుంబ స‌భ్యులు వద్దని చెప్పినా వినకుండా పరాయి వ్యక్తితో మాట్లాడుతోందన్నదే కార‌ణం. ఈ ఘ‌ట‌న‌కు సంబంధించి పోలీసులు తెలిపిన వివ‌రాలిలా ఉన్నాయి. తిక్రీ గ్రామానికి చెందిన బాలిక (17) అదే గ్రామంలోని ఒక వ్యక్తితో త‌ర‌చూ ఫోన్‌లో మాట్లాడుతుండేది. కుటుంబ స‌భ్యులు ఈ విష‌యం గ‌మ‌నించి ఆమెను గ‌ట్టిగా హెచ్చ‌రించారు. అత‌నితో మాట్లాడవ‌ద్ద‌ని చెప్పారు. అయినా ఆమె ప్ర‌వ‌ర్త‌న‌లో మార్పు రాక‌పోవ‌డంతో గ‌త కొన్ని రోజులుగా ఇదే విష‌య‌మై వారి ఇంట్లో గొడ‌వ జ‌రుగుతోంది. ఈ నేప‌థ్యంలో బాలిక తండ్రి.. ఆమె తీరుపై తీవ్ర ఆగ్ర‌హంతో ఉన్నాడు.
ఈ క్ర‌మంలోనే శ‌నివారం ఉద‌యం ప‌ట్ట‌రాని ఆగ్ర‌హానికి గురైన బాలిక తండ్రి ఆమెను గొడ్డ‌లితో న‌రికి హ‌త‌మార్చాడు. అత‌నికి కుమారులు రాధేశ్యామ్‌, ఘ‌న‌శ్యామ్‌లు కూడా స‌హ‌క‌రించారు. ఈ ఘ‌ట‌న‌పై స‌మాచారం అందుకున్న పోలీసులు సంఘ‌ట‌నాస్థ‌లికి చేరుకున్నారు. మృత‌దేహాన్ని పోస్టుమార్టం కోసం ఆస్ప‌త్రికి త‌ర‌లించారు. నిందితులు ముగ్గురినీ అదుపులోకి తీసుకున్నారు. నిందితులపై చట్ట ప్రకారం కఠిన చర్యలు తీసుకుంటామని ఎస్పీ బ్రిజేష్‌కుమార్ శ్రీ‌వాత్స‌వ తెలిపారు.
*
