అల్లు అర్జున్‌కు అరుదైన గౌరవం.. మేడమ్ టుస్సాడ్స్‌లో మైనపు విగ్రహం
మేడమ్ టుస్సాడ్స్‌లో ఇప్పటికే చాలా మంది భారతీయ ప్రముఖుల మైనపు బొమ్మలను ప్రదర్శించారు. ఇందులో బిగ్‌బీ అమితాబ్‌ బచ్చన్, ఐశ్వర్యరాయ్‌, షారూఖ్‌ ఖాన్‌, దీపికా పదుకొణె లాంటి ప్రముఖులు ఈ జాబితాలో ఉన్నారు.
పుష్ప-ది రైజ్‌ సినిమాలో త‌న నటనతో నేషనల్‌ అవార్డును సొంతం చేసుకున్న ఐకాన్‌ స్టార్ అల్లు అర్జున్ మరో అరుదైన ఘనత దక్కించుకోనున్నాడు. ప్రస్తుతం పుష్ప-2 ది రూల్‌ మూవీ షూటింగ్‌లో బిజీగా గడుపుతున్న స్టైలిష్‌ స్టార్.. ప్రత్యేకమైన గౌరవాన్ని అందుకోనున్నాడు. లండన్‌లోని ప్రఖ్యాత మేడమ్ టుస్సాడ్స్‌ మ్యూజియంలో అల్లు అర్జున్ మైనపు బొమ్మను ప్రదర్శించబోతున్నట్లు తెలుస్తోంది.
సౌత్ ఇండియా నుంచి ఈ ఘనత సాధించిన మూడో నటుడిగా అల్లు అర్జున్ నిలవనున్నాడు. ఇప్పటికే బాహుబలి ఫేమ్‌ ప్రభాస్‌, స్పైడర్‌ మహేష్‌ బాబుల మైనపు బొమ్మలు టుస్సాడ్స్‌లో ప్రదర్శించారు. ఇందుకోసం కొలతలు ఇచ్చేందుకు అల్లు అర్జున్ త్వరలోనే లండన్‌ వెళ్లనున్నాడని సమాచారం. ఇక ఈ విషయం తెలుసుకున్న అల్లు అర్జున్ ఫ్యాన్స్ ఫుల్‌ ఖుషీ అవుతున్నారు.
ఇక మేడమ్ టుస్సాడ్స్‌లో ఇప్పటికే చాలా మంది భారతీయ ప్రముఖుల మైనపు బొమ్మలను ప్రదర్శించారు. ఇందులో బిగ్‌బీ అమితాబ్‌ బచ్చన్, ఐశ్వర్యరాయ్‌, షారూఖ్‌ ఖాన్‌, దీపికా పదుకొణె లాంటి ప్రముఖులు ఈ జాబితాలో ఉన్నారు.
అల్లు అర్జున్ విషయానికొస్తే.. సుకుమార్ దర్శకత్వంలో వస్తున్న పుష్ప-2 ది రైజ్‌ షూటింగ్‌లో బిజీగా ఉన్నారు. రష్మిక మందన హీరోయిన్‌గా నటిస్తున్న ఈ సినిమా వచ్చే ఏడాది ఆగస్టు 15న ప్రేక్షకుల ముందుకు రానుంది.
