Vishwak Sen | విశ్వక్ సేన్ కొత్త సినిమా షూట్ అప్ డేట్స్
Vishwak Sen - కొత్త దర్శకుడ్ని పరిచయం చేస్తూ ఓ సినిమా చేస్తున్నాడు విశ్వక్ సేన్. మూవీకి ఇంకా టైటిల్ ఫిక్స్ చేయలేదు. షూటింగ్ అప్ డేట్స్ చూద్దాం
యంగ్ అండ్ టాలెంటెడ్ హీరో విశ్వక్ సేన్ ప్రస్తుతం నూతన దర్శకుడు రవితేజ ముళ్లపూడి దర్శకత్వంలో తన కొత్త చిత్రాన్నిచేస్తున్నారు. ప్రముఖ నిర్మాత రామ్ తాళ్లూరి ఎస్‌ఆర్‌టి ఎంటర్‌టైన్‌మెంట్స్ బ్యానర్‌పై భారీ స్థాయిలో ఈ చిత్రాన్ని నిర్మిస్తున్నారు. ఈ చిత్రంలో విశ్వక్ సేన్ సరసన మీనాక్షి చౌదరి హీరోయిన్ గా నటిస్తోంది.
తాజాగా ఈ సినిమా మొదటి షెడ్యూల్ షూటింగ్ పూర్తయింది. చిత్ర ప్రధాన తారాగణం అంతా ఈ షెడ్యూల్ లో పాల్గొన్నారు. త్వరలో తదుపరి షెడ్యూల్‌ను యూనిట్ ప్రారంభించనుంది. మరికొద్ది రోజుల్లో ఈ సినిమా టైటిల్, ఫస్ట్‌లుక్‌ని విడుదల చేసేందుకు మేకర్స్ ప్లాన్ చేస్తున్నారు.
షెడ్యూల్ పూర్తయిన సందర్భంగా, హీరోయిన్ మీనాక్షి చౌదరి ఫస్ట్ లుక్ ను విడుదల చేశారు మేకర్స్. సంప్రదాయబద్ధంగా, అందంగా కనిపిస్తోంది మీనాక్షి. ఈ సినిమా ఫస్ట్ సింగిల్ లిరికల్ వీడియో కూడా త్వరలో రివీల్ కానుంది. ఈ చిత్రానికి జేక్స్ బిజోయ్ సంగీతం అందిస్తున్నాడు.
ఫన్ ఫుల్ ఎంటర్ టైనర్ గా రూపొందుతున్న ఈ చిత్రానికి ప్రముఖ సాంకేతిక నిపుణులు పనిచేస్తున్నారు. మనోజ్ కాటసాని కెమెరామెన్ గా పని చేస్తున్నాడు. దాస్ కా ధమ్కీ తర్వాత విశ్వక్ సేన్ నుంచి వస్తున్న సినిమా కావడంతో.. ఈ మూవీపై అంచనాలు పెరిగాయి. త్వరలోనే సినిమా టైటిల్ ను ఎనౌన్స్ చేస్తారు.
