క్లయిమాక్స్ కు చేరుకున్న వారసుడు

విజయ్ హీరోగా వంశీ పైడిపల్లి దర్శకత్వంలో వస్తున్న చిత్రం 'వారసుడు'. ఇప్పటికే విడుదలైన వారసుడు ఫస్ట్ లుక్ తో ప్రేక్షకులని మెస్మరైజ్ చేశాడు విజయ్. ఇప్పుడీ సినిమా షూటింగ్ క్లయిమాక్స్ కు చేరుకుంది.

'వారసుడు' చివరి షెడ్యూల్ షూటింగ్ నిన్న ప్రారంభమైయింది. ఈ సినిమా షూటింగ్ పూర్తి కావడానికి కేవలం 2 యాక్షన్ సీక్వెన్సులు, 2 పాటలు మాత్రమే పెండింగ్. ఆ రెండూ పూర్తి చేసి, 2023 సంక్రాంతి కానుకగా వారసుడు సినిమాను థియేటర్లలో రిలీజ్ చేసేందుకు ప్లాన్ చేస్తున్నారు.

కోలీవుడ్ స్టార్ విజయ్ నటిస్తున్న తొలి స్ట్రయిట్ తెలుగు సినిమా ఇదే. రష్మిక ఈ చిత్రంలో హీరోయిన్ గా నటిస్తోంది. ప్రభు, శరత్ కుమార్, ప్రకాష్ రాజ్, జయసుధ, శ్రీకాంత్, శామ్, యోగి బాబు, సంగీత, సంయుక్త కీలక పాత్రలు పోషిస్తున్నారు.

భారీ బడ్జెట్ తో తెరకెక్కుతున్న ఈ సినిమాకు వంశీ పైడిపల్లితో పాటు హరి, అహిషోర్‌ సాల్మన్‌ కథ, స్క్రీన్ ప్లేను అందించారు.

తమన్ ఈ చిత్రానికి సంగీతం అందిస్తుండగా, కార్తీక్ పళని ఛాయాగ్రాహకుడిగా వ్యవహరిస్తున్నాడు. శ్రీ వెంకటేశ్వర క్రియేషన్స్‌, పీవీపీ బ్యానర్లపై దిల్ రాజు, శిరీష్, పరమ్ వి పొట్లూరి సంయుక్తంగా ఈ సినిమాను నిర్మిస్తున్నారు.