Srinu Vaitla | శ్రీను వైట్ల సినిమా కష్టాలు
Srinu Vaitla - గోపీచంద్ తో సినిమా చేస్తున్నాడు శ్రీనువైట్ల. ఈ సినిమాకు బడ్జెట్ సమస్యలు ఎదుర్కొంటున్నాడట ఈ దర్శకుడు.
శ్రీను వైట్ల తన కెరీర్‌లో మొదటిసారి బడ్జెట్ పరిమితులను ఎదుర్కొంటున్నాడు. అతను తన తదుపరి చిత్రం కోసం హీరో గోపీచంద్‌తో కలిసి పనిచేస్తున్న సంగతి తెలిసిందే. తాజా సమాచారం ప్రకారం, అతను తన కెరీర్‌లో మొదటిసారి బడ్జెట్ ఇష్యూస్ ఎదుర్కొంటున్నాడు. బ్లాక్ బస్టర్ సినిమాతో ఎంట్రీ ఇచ్చాడు వైట్ల. ఆ తర్వాత వెంకీ, రెడీ వంటి బ్లాక్ బస్టర్స్ కొట్టాడు. కెరీర్ లో అంచెలంచెలుగా ఎదిగి, దూకుడు సినిమాతో మోస్ట్ డిమాండ్ ఉన్న దర్శకుడిగా మారాడు.
కెరీర్ లో ఎప్పుడూ మంచి స్టేజ్ లో ఉన్నాడు కాబట్టి, బడ్జెట్ పరిమితులు అతడికి ఎదురవ్వలేదు. నిర్మాతల నుంచి ఇబ్బందులు రాలేదు. ఆగడు సినిమాతో వైట్ల భారీ పరాజయాన్ని చవిచూసినా వెంటనే రామ్ చరణ్ మూవీ రావడంతో అతడికి బడ్జెట్ కష్టాలు తెలియవు. వరుణ్ తేజ్ తో సినిమా తీసినప్పుడు కూడా ఇబ్బంది పడలేదు. రిచ్ లొకేషన్స్ లో ఆ సినిమా షూట్ చేశాడు.
ఆ తర్వాత, అతను రవితేజ మరియు మైత్రి సినిమాలతో జతకట్టాడు, మైత్రి కాంబోపై నమ్మకంతో, బడ్జెట్‌పై శ్రీను వైట్లను పరిమితం చేయలేదు. అయినప్పటికీ, ఈ చిత్రం భారీ డిజాస్టర్‌గా నిలిచింది. వైట్లను కార్నర్ లో పడేసింది. దీని వల్ల చాన్నాళ్ల పాటు అతడు తన నెక్ట్స్ సినిమా చేయలేకపోయాడు. ఎట్టకేలకు గోపీచంద్‌తో సినిమా సెట్స్‌మీద పెట్టాడు.
కానీ ఇక్కడ ట్విస్ట్ ఏంటంటే, గోపీచంద్ కూడా వరుస పరాజయాలతో బ్యాడ్ ఫేజ్‌లో ఉన్నాడు, కాబట్టి ఈ చిత్రానికి బిజినెస్ చేయడం చాలా కష్టం. అందుకే బడ్జెట్‌కు మించి వెళ్లవద్దని నిర్మాతలు దర్శకుడికి కచితంగా చెప్పినట్టు తెలుస్తోంది. వేణు దోనేపూడి ఈ చిత్రాన్ని నిర్మిస్తున్నారు. వైట్ల శ్రీనుకి ఇది చాలా కీలకమైన చిత్రం.
