కొత్త సినిమా స్టార్ట్ చేసిన శ్రీవిష్ణు

సున్నితమైన కామెడీని పండించడంలో శ్రీవిష్ణు టాలెంట్ గురించి అందరికీ తెలిసిందే. ఇక వివాహ భోజనంబు సినిమాతో తన కామెడీ టైమింగ్ ను చూపించాడు దర్శకుడు రామ్ అబ్బరాజు. ఇప్పుడు వీళ్లిద్దరూ చేతులు కలిపారు. శ్రీవిష్ణు హీరోగా రామ్ అబ్బరాజు దర్శకత్వంలో ఓ సినిమా రాబోతోంది. ఇది పక్కా కామెడీ మూవీ.

ఈ సినిమాను హాస్య మూవీస్ బ్యానర్ పై రాజేష్ దండ నిర్మిస్తున్నారు. ఈ బ్యానర్ కు ఇది మూడో సినిమా. ప్రస్తుతం అల్లరి నరేష్ హీరోగా మారేడుమిల్లి ప్రజానీకం, సందీప్ కిషన్ హీరోగా ఊరు పేరు భైరవకోన సినిమాలు నిర్మాణ దశలో ఉన్నాయి. శ్రీవిష్ణుతో చేయబోయే సినిమా మూడోది. ఏకే ఎంటర్ టైన్ మెంట్స్ బ్యానర్ ఈ ప్రాజెక్టుకు ప్రజెంటర్ గా వ్యవహరిస్తోంది.

పూర్తిగా ఫన్‌ ఎలిమెంట్స్ తో ఈ సినిమా రాబోతోంది. సినిమా ప్రారంభోత్సవానికి ఎప్పట్లానే నారా రోహిత్ ప్రత్యేక అతిథిగా హాజరయ్యాడు. శ్రీవిష్ణుపై తీసిన ఫస్ట్ షాట్ కు క్లాప్ కొట్టాడు. ఈ సినిమా రెగ్యులర్ షూటింగ్ త్వరలోనే ప్రారంభం అవుతుంది.

ఈ చిత్రానికి భాను భోగవరపు కథని అందించగా, నందు సవిరిగాన డైలాగ్స్‌ అందిస్తున్నాడు. దర్శకుడు రామ్ అబ్బరాజు ఈ చిత్రానికి స్క్రీన్ ప్లే రాశాడు. గోపీ సుందర్ ఈ సినిమాకు సంగీతం అందిస్తున్నాడు.