SatyaDev Zebra - జీబ్రా మూవీ షూటింగ్ అప్ డేట్స్

టాలెంటెడ్ హీరో సత్యదేవ్, కన్నడ స్టార్ డాలీ ధనంజయ హీరోలుగా ఈశ్వర్ కార్తీక్ దర్శకత్వంలో తెరకెక్కుతున్న యూనిక్ క్రైమ్ యాక్షన్ ఎంటర్‌ టైనర్ 'జీబ్రా. ధైర్యవంతుల్నే అదృష్టం వరిస్తుందనే అర్థంవచ్చేలా ట్యాగ్ లైన్ పెట్టారు.

పద్మజ ఫిలింస్ బ్యానర్ల పై తెరకెక్కుతున్న ఈ సినిమాలో, ప్రియా భవాని శంకర్, జెన్నిఫర్ పిచినాటో హీరోయిన్లుగా నటిస్తున్నారు. ప్రముఖ నటుడు సత్యరాజ్ కీలక పాత్రలో కనిపించనున్నాడు. సత్య, సునీల్ ఇతర ముఖ్య తారాగణం.

ఈ సినిమా షూటింగ్ 80 శాతం పూర్తయింది. తాజాగా పోస్ట్ ప్రొడక్షన్ పనులు ప్రారంభించారు. త్వరలోనే ఫస్ట్ లుక్ ని విడుదల చేయబోతున్నారు. ఇదివరకు ఎన్నడూ చూడని ఆర్థిక నేరాల నేపథ్యంలో యధార్ధ సంఘటనల ఆధారంగా ఈ సినిమా కథ రాసుకున్నారు. ఈ సినిమాలో జరిగిన ప్రతి కీలక సన్నివేశం, దేశంలో ఎక్కడో ఒక చోట జరిగినవే కావడం విశేషం.

ఈ చిత్రానికి కేజీఎఫ్ ఫేమ్ రవి బస్రూర్‌ సంగీతం ఓ ప్రధాన ఆకర్షణగా నిలుస్తుందని చెబుతున్నారు మేకర్స్. ఈ చిత్రం తెలుగు, కన్నడ, తమిళం, మలయాళం హిందీ భాషల్లో పాన్ ఇండియా లెవెల్లో విడుదల కానుంది. త్వరలోనే విడుదల తేదీని కూడా ప్రకటిస్తారు.