Shaakuntalam: సమంత సినిమాకు రిలీజ్ డేట్ ఫిక్స్
Shaakuntalam: చాన్నాళ్లుగా పోస్ట్ ప్రొడక్షన్ స్టేజ్ లో ఉన్న శాకుంతలం సినిమా విడుదలకు సిద్ధమైంది. ఫిబ్రవరి 17న రాబోతోంది.
గుణశేఖ‌ర్ తెరకెక్కిస్తున్న పౌరాణిక దృశ్యకావ్యం శాకుంతలం. సమంత ఇందులో టైటిల్ పాత్ర‌లో న‌టించింది. దిల్ రాజు స‌మ‌ర్ప‌ణ‌లో నీలిమ గుణ ఈ చిత్రాన్ని నిర్మిస్తోంది.
ప్ర‌ముఖ క‌వి కాళిదాసు ర‌చించిన సంస్కృత నాటకం అభిజ్ఞాన శాకుంతలం ఆధారంగా 'శాకుతలం' చిత్రాన్ని గుణ శేఖ‌ర్‌ తెరకెక్కిస్తున్నాడు. శ‌కుంత‌ల, దుష్యంత మ‌హారాజు అజ‌రామ‌ర‌మైన ప్రేమ క‌థ ఇది. ఇందులో శ‌కుంత‌ల‌గా సమంత.. దుష్యంతుడిగా దేవ్ మోహ‌న్ న‌టించారు.
ఈ సినిమా పోస్ట్ ప్రొడక్షన్ పనులు దాదాపు పూర్తయ్యాయి. దీంతో నిర్మాత‌లు ఈ సినిమా రిలీజ్ డేట్‌ను అనౌన్స్ చేశారు. 'శాకుంతలం' చిత్రాన్ని ప్ర‌పంచవ్యాప్తంగా ఫిబ్రవరి 17న తెలుగు, హిందీ, త‌మిళ, క‌న్న‌డ, మ‌ల‌యాళ భాష‌ల్లో రిలీజ్ చేస్తున్న‌ట్లు ప్ర‌క‌టించారు. ఈ సినిమా 3Dలో కూడా రిలీజ్ అవుతోంది.
ఈ సినిమాలో మోహ‌న్ బాబు, ప్ర‌కాష్ రాజ్‌, మ‌ధుబాల, గౌత‌మి కీల‌క పాత్ర‌ల‌ు పోషించారు. అల్లు అర్జున్ కూతురు అల్లు అర్హ, యువ‌రాజు భ‌ర‌తుడి పాత్ర‌లో న‌టించింది. ఈ సినిమాకు సాయి మాధ‌వ్ బుర్రా మాటలు, మ‌ణిశ‌ర్మ సంగీతం అందిస్తున్నారు.
