Rashmika - మరో పెద్ద బాలీవుడ్ సినిమాలో రష్మిక
Rashmika Bollywood - బాలీవుడ్ లో పాగా వేసిన రష్మిక, తాజాగా మరో సినిమాకు ఓకే చెప్పింది. త్వరలోనే ఆమె షాహిద్ కపూర్ సరసన కనిపించనుంది.
యంగ్ బ్యూటీ రష్మిక మందన్న హిందీ చిత్ర పరిశ్రమలో దూసుకుపోతోంది. అమితాబ్ బచ్చన్ తో గుడ్ బై, సిద్ధార్థ్ మల్హోత్రా నల మిషన్ మజ్నులో నటించిన ఈ బ్యూటీ, ఇప్పుడు మరో బాలీవుడ్ సినిమాకు కాల్షీట్లు కేటాయించింది. త్వరలోనే షాహిద్ కపూర్ సరసన రష్మిక నటించనుంది. అనీస్ బజ్మీ దర్శకత్వంలో ఈ సినిమా రాబోతోంది.
ఈ సినిమాకు మరో ప్రత్యేకత ఉంది. షాహిద్ కపూర్ హీరోగా రాబోతున్న ఈ సినిమాను దిల్ రాజు నిర్మించబోతున్నాడు, బాలాజీ టెలిఫిలిమ్స్ కు చెందిన ఏక్తా కపూర్ తో కలిసి ఈ మూవీని ప్రొడ్యూస్ చేయబోతున్నాడు రాజు.
ప్రస్తుతం అల్లు అర్జున్ సరసన పుష్ప-2 సినిమాలో నటిస్తోంది రష్మిక. అటు రణబీర్ కపూర్ తో కలిసి యానిమల్ సినిమాలో నటిస్తోంది. విక్కీ కౌశల్ హీరోగా నటిస్తున్న ఓ హిస్టారికల్ మూవీలో కూడా నటిస్తోంది. వీటితో పాటు, ఇప్పుడు షాహిద్ కపూర్ సినిమాకు గ్రీన్ సిగ్నల్ ఇచ్చింది రష్మిక. ఇదొక యాక్షన్ కామెడీ ఎంటర్ టైనర్.
ఇంకా పేరు పెట్టని ఈ చిత్రం యొక్క స్క్రిప్ట్ వర్క్ పూర్తి కావస్తోంది. త్వరలోనే ప్రీ-ప్రొడక్షన్ పనులు ప్రారంభమవుతాయి. రెగ్యులర్ షూట్ ఆగస్టులో ప్రారంభమౌతుంది. ఈ ప్రాజెక్ట్‌లతో పాటు, వెంకీ కుడుముల దర్శకత్వంలో నితిన్ హీరోగా ఓ సినిమా చేస్తోంది రష్మిక. అటు రెయిన్‌బో అనే ఫిమేల్ ఓరియంటెడ్ మూవీ కూడా సెట్స్ పై ఉంది.
