SreeLeela: మహేష్ సినిమాలో శ్రీలీల ఫిక్స్, నిర్మాత ప్రకటన
Producer confirmed Sreeleela as second lead in Mahesh trivikram movie. మహేష్ బాబు సినిమాలో శ్రీలీల ను అధికారికంగా ఫిక్స్ చేశాడు నిర్మాత నాగ వంశీ
మహేష్ బాబు, త్రివిక్రమ్ సినిమాలో శ్రీలీల ఉందా లేదా? దీనిపై దాదాపు నెల రోజులుగా చర్చ జరుగుతూనే ఉంది. శ్రీలీల పక్కాగా ఉందంటూ ఆమధ్య చిన్నపాటి క్లారిటీ కూడా వచ్చింది. అయినప్పటికీ పుకార్లు ఆగలేదు. తాజాగా ఈ ఊహాగానాలకు చెక్ పెట్టింది యూనిట్. తమ సినిమాలో శ్రీలీల ఉందంటూ క్లారిటీ ఇచ్చారు.
త్రివిక్రమ్ దర్శకత్వంలో మహేష్ బాబు చేయాల్సిన సినిమాలో ఫస్ట్ హీరోయిన్ గా పూజా హెగ్డేను తీసుకున్నారు. సెకెండ్ హీరోయిన్ గా శ్రీలీలను ఫిక్స్ చేశారు. ఈ విషయాల్ని స్వయంగా నిర్మాత నాగవంశీ ప్రకటించాడు. అంతేకాదు, ఆగస్ట్ 11న సినిమాను విడుదల చేయబోతున్నట్టు కూడా తెలిపాడు నాగవంశీ.
18వ తేదీ నుంచి ఈ సినిమా సెట్స్ పైకి వస్తుంది. ఈ మూవీకి బల్క్ కాల్షీట్లు కేటాయించాడు మహేష్. సినిమా కోసం ఇప్పటికే 3 భారీ సెట్స్ సిద్ధం చేశారు. ఆ సెట్స్ లోనే నాన్-స్టాప్ గా సినిమా షూటింగ్ ను పూర్తిచేయబోతున్నారు. తమన్ ఈ సినిమాకు సంగీతం అందిస్తున్నాడు.
ప్రస్తుతం టాలీవుడ్ లో మంచి స్వింగ్ లో ఉంది శ్రీలీల. తాజాగా ధమాకాతో మరో బ్లాక్ బస్టర్ కొట్టింది. చేతిలో అరడజను సినిమాలున్నాయి. ఇలాంటి టైమ్ లో మహేష్ బాబు సినిమాలో ఆఫర్ అందుకుంది ఈ బ్యూటీ.
