Prabhas-Maruthi: మరోసారి తెరపైకి ప్రభాస్-మారుతి మూవీ
Prabhas-Maruthi Movie: ప్రభాస్-మారుతి సినిమా మళ్లీ తెరపైకొచ్చింది. ఈ నెలలో ఈ సినిమా రెండో షెడ్యూల్ మొదలుకాబోతోంది.
మారుతి దర్శకత్వంలో ప్రభాస్ ఓ సినిమా చేస్తున్న సంగతి తెలిసిందే. ఈ మూవీకి సంబంధించి చడీచప్పుడు లేకుండా ఓపెనింగ్ కానిచ్చేశారు. అంతే సీక్రెట్ గా ఫస్ట్ షెడ్యూల్ కూడా పూర్తి చేశారు.
ఫస్ట్ షెడ్యూల్ లో ప్రభాస్ పై ఫొటోషూట్, టెస్ట్ కట్ చేశారు. ఆ తర్వాత కొన్ని సన్నివేశాలు చిత్రీకరించారు. ఇప్పుడు రెండో షెడ్యూల్ కు రెడీ అవుతోంది యూనిట్.
ఈ నెల రెండో వారంలో ప్రభాస్-మారుతి మూవీ రెండో షెడ్యూల్ స్టార్ట్ అవుతుంది. దీని కోసం హైదరాబాద్ శివార్లలో ఓ పాత సినిమా థియేటర్ సెట్ వేస్తున్నారు. ఈ సెట్ లోనే ప్రభాస్ పై కొత్త షెడ్యూల్ స్టార్ట్ చేయబోతున్నారు.
ఈసారి ప్రభాస్ తో పాటు హీరోయిన్లు కూడా పాల్గొంటారు. ఈ సినిమాలో మాళవిక మోహనన్, రిద్దీ కపూర్, నిధి అగర్వాల్ హీరోయిన్లుగా నటిస్తున్న సంగతి తెలిసిందే. వీళ్లపై కూడా రెండో షెడ్యూల్ లో టెస్ట్ కట్ నిర్వహించబోతున్నారు.
హారర్ కామెడీ జానర్ లో తెరకెక్కుతోంది ప్రభాస్-మారుతి మూవీ. పీపుల్ మీడియా బ్యానర్ పై వస్తున్న ఈ సినిమాకు ఇంకా టైటిల్ ఫిక్స్ చేయలేదు. రాజా డీలక్స్ అనేది ప్రస్తుతానికి వర్కింగ్ టైటిల్ మాత్రమే. ఆదిపురుష్ సినిమా రిలీజ్ వాయిదా పడ్డంతో, ప్రభాస్ కు ఇప్పుడు కావాల్సినంత టైమ్ దొరికింది. అందుకే మారుతి సినిమాకు వెంటనే కాల్షీట్లు కేటాయించాడు.
