Prabhas: మరోసారి స్లిమ్ అయిన ప్రభాస్
Prabhas: హీరో ప్రభాస్ మరోసారి స్లిమ్ అయ్యాడు. ఈసారి తన కొత్త సినిమా కోసం ఇలా సన్నబడ్డాడు ఈ నటుడు.
మేకోవర్ పరంగా ప్రభాస్ ఎప్పుడు ఎలా కనిపిస్తాడో ఎవ్వరూ ఊహించలేరు. ఓసారి బాగా లెవెక్కి కనిపిస్తాడు. అంతలోనే స్లిమ్ గా మారిపోతాడు. సలార్ కోసం కాస్త బల్కీగా తయారైన ఈ ఆజానుబాహుడు, ఇప్పుడు ఒక్కసారిగా బక్కపల్చగా మారాడు. ప్రాజెక్టు-కె కోసం ఇలా తయారయ్యాడంట రెబల్ స్టార్.
ప్రశాంత్ నీల్ దర్శకత్వంలో సలార్ సినిమా చేస్తున్నాడు ప్రభాస్. బొగ్గు గనుల నేపథ్యంలో సాగే కంప్లీట్ యాక్షన్ డ్రామా ఇది. ఈ ప్రాజెక్టు కోసం అతడు దాదాపు 15 కిలోల బరువు పెరిగాడు. యాక్షన్ సీక్వెన్సుల్లో అదరగొట్టాడు. ఇప్పుడు ఆ షూటింగ్ కొలిక్కి వచ్చింది.
ఈ సినిమాతో పాటు ప్రాజెక్టు-కె చేస్తున్నాడు ప్రభాస్. నాగ్ అశ్విన్ దర్శకత్వంలో వస్తున్న ఈ సినిమా కోసం ప్రభాస్ సన్నబడాల్సి వచ్చింది. అందుకే ఉన్నఫలంగా స్లిమ్ గా మారాడు ఈ నటుడు.
బాలకృష్ణ చేస్తున్న అన్-స్టాపబుల్ కార్యక్రమానికి ప్రత్యేక అతిథిగా హాజరయ్యాడు ప్రభాస్. ఈ కార్యక్రమానికి సంబంధించిన స్టిల్స్ రిలీజ్ అయ్యాయి. వాటిలో ఇలా స్లిమ్ గా కనిపించి అందర్నీ ఆకట్టుకున్నాడు ఈ హీరో. డార్లింగ్ టైమ్ లో ప్రభాస్ ఎంత స్లిమ్ గా ఉండేవాడో, దాదాపు ఆ ఫిజిక్ కు వచ్చేశాడు ఈ హీరో. ప్రస్తుతం ప్రాజెక్టు-కె షూటింగ్ రామోజీ ఫిలింసిటీలో జరుగుతోంది.
