Pizza Franchise | పిజ్జా-3 మూవీ కూడా రెడీ
Pizza 3 Movie - పిజ్జా, పిజ్జా-2 సినిమాలకు కొనసాగింపుగా పిజ్జా-3 వస్తోంది. తెలుగు విడుదలకు రంగం సిద్ధమైంది.
మోస్ట్ పాపులర్, సక్సెస్ ఫుల్ హారర్ థ్రిల్లర్ ఫ్రాంచైజీ 'పిజ్జా'. ఈ ఫ్రాంచైజీ లో వచ్చిన రెండు చిత్రాలు తెలుగు ప్రేక్షకులని విశేషంగా ఆకట్టుకొని, భారీ విజయాలు సాధించి, ప్రత్యేక ఫ్యాన్ బేస్ ని సంపాదించుకున్నాయి. ఇప్పుడు 'పిజ్జా 3' తెలుగు ప్రేక్షకుల ముందుకు రాబోతుంది. కనెక్ట్ మూవీస్ బ్యానర్, 'పిజ్జా3' రైట్స్ ని సొంతం చేసుకుంది.
ఇటీవలే తమిళంలో విడుదలైన 'పిజ్జా3' బ్లాక్ బస్టర్ విజయాన్ని అందుకుంది. అశ్విన్ కాకుమణి, పవిత్ర మరిముత్తు హీరోహీరోయిన్లుగా నటించిన ఈ సినిమాకు మోహన్ గోవింద్ దర్శకత్వం వహించాడు.
''పిజ్జా3' సినిమాను విజువల్ వండర్ అంటున్నారు మేకర్స్. ప్రేక్షకులకు థ్రిల్ తో పాటు గొప్ప థియేట్రికల్ ఎక్స్ పీరియన్స్ ఇస్తుందని చెబుతున్నారు.
పిజ్జా, పిజ్జా-2 సినిమాలతో పోలిస్తే పిజ్జా-3 టెక్నికల్ గా మరింత ఉన్నతంగా ఉంటుందంటున్నారు. ఈసారి థ్రిల్లింగ్ ఎలిమెంట్స్ తో పాటు, సౌండ్ ఎఫెక్టులు మరింత భయపెడతాయని చెబుతున్నారు. అరుణ్ రాజ్ ఈ సినిమాకు సంగీత దర్శకుడు.
