మరో రీమేక్ లో పవన్ కల్యాణ్
మరో 3 రోజుల్లో పవన్ కల్యాణ్ ను కలవబోతున్నాడు హరీశ్ శంకర్. వీళ్లిద్దరి కాంబినేషన్ లో సినిమా లాక్ అయింది కానీ, కథ మాత్రం ఫిక్స్ అవ్వలేదు.
పవన్ కల్యాణ్ కు రీమేక్స్ కొత్త కాదు. ఇంతకుముందు ఎన్నో రీమేక్స్ చేశాడు. ప్రస్తుతం సెట్స్ పై కూడా ఓ రీమేక్ ఉంది. ఇప్పుడు వీటికి తోడుగా మరో రీమేక్ చేసే ఆలోచనలో పవన్ ఉన్నట్టు తెలుస్తోంది. ఈ మేరకు దర్శకుడు హరీశ్ శంకర్ ఏర్పాట్లు చేస్తున్నాడు.
మరో 3 రోజుల్లో పవన్ ను కలవనున్నాడు హరీశ్. ఈ మేరకు పవన్, హరీష్ కు టైమ్ ఇచ్చాడు. ఆ టైమ్ లో తమిళ సినిమా తేరి రీమేక్ ను చర్చించనున్నాడు హరీశ్. విజయ్ హీరోగా నటించిన తేరి సినిమాకు తనదైన మార్పులు చేశాడు హరీశ్. ఈ మార్పుచేర్పులు నచ్చితే, పవన్ నుంచి గ్రీన్ సిగ్నల్ వచ్చినట్టే.
ఇంతకుముందు కూడా పవన్ తో రీమేక్ సినిమానే చేశాడు హరీశ్. దబాంగ్ సినిమాను తెలుగులో గబ్బర్ సింగ్ పేరిట తీశాడు. ఇప్పుడు తేరి రీమేక్ పై పవన్-హరీశ్ వర్క్ చేసే ఛాన్స్ ఉంది. మైత్రీ మూవీ మేకర్స్ బ్యానర్ పై ఈ సినిమా రాబోతోంది.
నిజానికి పవన్ కోసం భవదీయుడు భగత్ సింగ్ అనే ప్రాజెక్టు అనుకున్నాడు హరీశ్. పోస్టర్ కూడా రిలీజ్ చేశాడు. కానీ ఆ స్టోరీ అనుకున్న విధంగా రాలేదు. హరీశ్ చెప్పిన స్టోరీ పవన్ కు నచ్చలేదు. దీంతో మరోసారి ఇద్దరూ కలిసి రీమేక్ చేయాలని నిర్ణయించుకున్నారు.
