మహేష్-చైతూ-ఎన్టీఆర్.. మెమొరబుల్ ఫొటో

సూపర్ స్టార్ కృష్ణ అకాల మరణంతో టాలీవుడ్ ఒక్కసారిగా షాక్ అయింది. ఇండస్ట్రీకి చెందిన నటులంతా కృష్ణ భౌతికకాయానికి నివాళులు అర్పించారు. పక్కనే ఉన్న మహేష్ ను ఓదార్చారు. ఈ సందర్భంగా వచ్చిన ఫొటోల్లో ఒకటి మాత్రం ప్రస్తుతం బాగా వైరల్ అవుతోంది.

కృష్ణకు నివాళులు అర్పించిన అనంతరం, మహేష్ బాబును ఓదార్చారు నాగచైతన్య, ఎన్టీఆర్. ఈ సందర్భంగా మహేష్ పక్కన నాగచైతన్య, ఆ పక్కన ఎన్టీఆర్ కూర్చున్నారు. సరిగ్గా ఇలాంటి ఫొటోనే గతంలో కృష్ణ, ఏఎన్నార్, ఎన్టీఆర్ దిగారు. అప్పటి ఆ ఫొటోకు, తాజా స్టిల్ కు బాగా సింక్ కుదిరింది. అయితే వీళ్లు కలిసిన సందర్భం బాధాకరం.

దీంతో ఈ ఫొటో సోషల్ మీడియాలో వైరల్ అవుతోంది. ముగ్గురు దిగ్గజ నటులు, తాము వెళ్లిపోతూ, తమ నటవారసుల్ని ఇండస్ట్రీకి అందించారంటూ అంతా పోస్టులు పెడుతున్నారు. కృష్ణ వారసుడిగా మహేష్, ఏఎన్నార్ వారసుడిగా చైతూ, ఎన్టీఆర్ వారసుడిగా ఎన్టీఆర్ ఇండస్ట్రీలో తమ హవా చూపిస్తున్నారు.