Karti | మరో సీక్వెల్ కన్ ఫర్మ్ చేసిన కార్తి

కార్తీ ఖాకీ సీక్వెల్ ఖాయమైంది. హెచ్ వినోద్ దర్శకత్వం వహించిన ఈ చిత్రం అతని ఉత్తమ చిత్రాలలో ఒకటి. ఈ చిత్రానికి కార్తి, సీక్వెల్ చేయాలని అభిమానులు ఎప్పటినుంచో కోరుకుంటున్నారు. ఇప్పుడిది కార్యరూపం దాల్చింది. సినిమా ప్రీ ప్రొడక్షన్ పనులు ప్రారంభమయ్యాయి. ఖాకీ సీక్వెల్ ప్రకటన త్వరలోనే అధికారికంగా రాబోతోంది.

తాజా సమాచారం ప్రకారం, సీక్వెల్ కోసం కార్తీకి వినోద్ ఒక లైన్ వివరించాడు. దీనికి కార్తీ గ్రీన్ సిగ్నల్ ఇచ్చాడు. ఈ సినిమా 2025లో సెట్స్‌పైకి వెళ్లే అవకాశం ఉంది.

కార్తీ ఇటీవల 'జపాన్' చిత్రంతో ప్రేక్షకులను ఆకట్టుకునే ప్రయత్నం చేశాడు, అయితే ఈ చిత్రం అంచనాలను అందుకోలేకపోయింది. ఎదురుదెబ్బలు తగిలినప్పటికీ, కార్తీ నిరుత్సాహపడలేదు. ఈసారి ఎలాగైనా హిట్ ఇవ్వాలనే ఉద్దేశంతో, అతను తన మునుపటి చిత్రాలకు సీక్వెల్స్ చేయడానికి ట్రై చేస్తున్నాడు. ఇందులో భాగంగా ఖాకీ సీక్వెల్ కన్ఫర్మ్ చేశాడు.

2017లో, కార్తీ కెరీర్‌లో అత్యంత విజయవంతమైన 'ఖాకీ'. ఈ చిత్రం 1995 - 2006 మధ్య తమిళనాడు పోలీసుల చుట్టూ జరిగిన నిజ జీవిత 'ఆపరేషన్ బవారియా' మిషన్‌ ఆధారంగా తెరకెక్కింది. ప్రేక్షకులు, విమర్శకుల నుంచి భారీగా ప్రశంసలు దక్కించుకుంది. ప్రస్తుతం కమల్ హాసన్ తో సినిమా చేస్తున్నాడు దర్శకుడు వినోద్. ఆ మూవీ పూర్తయిన వెంటనే ఖాకీ-2 ప్రారంభమౌతుంది.