Devil Movie | డెవిల్ మరోసారి వస్తున్నాడు
Kalyan Ram - కల్యాణ్ రామ్ తాజా చిత్రం డెవిల్. ఈ సినిమా త్వరలోనే ఈటీవీలో ప్రసారం అవుతుంది.
కల్యాణ్ రామ్ హీరోగా నటించిన సినిమా డెవిల్. గతేడాది బాక్సాఫీస్ కు ఫినిషింగ్ టచ్ ఇచ్చిన సినిమా ఇదే. అయితే ఆశించిన స్థాయిలో ఫలితం దక్కలేదు. భారీ అంచనాల మధ్య తెరకెక్కిన డెవిల్ సినిమా, బాక్సాఫీస్ వద్ద ఫ్లాప్ మూవీగా నిలిచింది. ఆ తర్వాత కొన్ని రోజులకే ఈ సినిమా ఓటీటీలోకి వచ్చింది. అక్కడ కూడా దీనికి పెద్దగా రెస్పాన్స్ రాలేదు. ఇప్పుడీ సినిమా బుల్లితెరపైకి రాబోతోంది.
డెవిల్ సినిమా శాటిలైట్ రైట్స్ ను ఈటీవీ దక్కించుకుంది. ఈ సినిమాను మార్చి 10, ఆదివారం, సాయంత్రం 6 గంటలకు ప్రసారం చేయాలని నిర్ణయించింది. నిజానికి ఈ పాటికే ఈ సినిమా టీవీల్లోకి రావాలి. కానీ డీల్ సెట్ అవ్వడానికి కాస్త టైమ్ పట్టింది.
అభిషేక్ నామా స్వీయ దర్శకత్వంలో నిర్మించిన ఈ సినిమాలో సంయుక్త మీనన్ హీరోయిన్ గా నటించింది. సెకెండ్ హీరోయిన్ గా మాళవిక నాయర్ నటించింది. హర్షవర్థన్ రామేశ్వర్ సంగీతం అందించాడు. కల్యాణ్ రామ్ కెరీర్ లోనే భారీ బడ్జెట్ చిత్రంగా తెరకెక్కిన డెవిల్ సినిమా, బుల్లితెరపై ఏ మేరకు మెప్పిస్తుందో చూడాలి.
