Devil Movie - డెవిల్ మూవీ షూటింగ్ అప్ డేట్స్

డిఫరెంట్ మూవీస్, రోల్స్ చేస్తూ హీరోగా తనదైన‌ రూటులో దూసుకుపోతున్నాడు కళ్యాణ్ రామ్. ఆయన లేటెస్ట్ మూవీ ‘డెవిల్’. ‘ది బ్రిటీష్ సీక్రెట్ ఏజెంట్’ అనేది ట్యాగ్ లైన్. అభిషేక్ పిక్చర్స్ బ్యానర్‌పై న‌వీన్ మేడారం ద‌ర్శ‌క‌త్వంలో ఈ పీరియాడిక్ డ్రామాను నిర్మిస్తున్నారు.

ఈ మూవీ షూటింగ్ ఫైన‌ల్ స్టేజ్‌కు చేరుకుంది. ప్ర‌స్తుతం ఈ సినిమా క్లైమాక్స్‌ను చిత్రీక‌రిస్తున్నారు. 500 మందితో ఈ ఫైట్‌ను భారీగా తెర‌కెక్కిస్తున్నారు. టాలీవుడ్‌లో వ‌న్ ఆఫ్ ది బెస్ట్ యాక్ష‌న్ ఎపిసోడ్‌గా చెప్పుకునేలా దీన్ని ఫైట్ మాస్ట‌ర్ వెంక‌ట్ ఆధ్వ‌ర్యంలో డిజైన్ చేశారు.

స్వతంత్ర ఉద్యమం బ్యాక్ డ్రాప్ లో వస్తున్న ఈ సినిమాకు సంబంధించి ఇప్పటికే ఫస్ట్ లుక్ రిలీజైంది. దీంతో పాటు తాజాగా మరో పోస్టర్ కూడా రిలీజ్ చేశారు. ఇవన్నీ సినిమాపై హైప్ క్రియేట్ చేస్తున్నాయి. శ్రీకాంత్ విస్సా ఈ సినిమాకు డిఫరెంట్ స్టోరీ అందించడమే కాకుండా.. స్క్రీన్ ప్లే, డైలాగ్స్ కూడా సమకూరుస్తున్నాడు.

హర్షవర్థన్ రామేశ్వర్ ఈ సినిమాకు సంగీతం అందిస్తున్నాడు. త్వరలోనే టీజర్ ను విడుదల చేసి, అందులో రిలీజ్ డేట్ ను ఎనౌన్స్ చేస్తారు. అమిగోస్ సినిమా తర్వాత కల్యాణ్ రామ్ నుంచి రాబోతున్న సినిమా ఇదే.