Ramabanam - సమ్మర్ ఎట్రాక్షన్ గా గోపీచంద్ సినిమా
Gopichand's Ramabanam movie - రామబాణం సినిమా రిలీజ్ డేట్ ఫిక్స్ అయింది. సమ్మర్ ఎట్రాక్షన్ గా రాబోతోంది.
గోపీచంద్ కొత్త సినిమా రామబాణం, శ్రీవాస్‌ దర్శకుడు. గతంలో వీళ్లిద్దరూ కలిసి 'లక్ష్యం', 'లౌక్యం' సినిమాలు చేశాడు. రామబాణం వీళ్లకి మూడో సినిమా. పీపుల్ మీడియా ఫ్యాక్టరీ బ్యానర్‌ పై టీజీ విశ్వప్రసాద్, వివేక్ కూచిభొట్ల సంయుక్తంగా ఈ చిత్రాన్ని నిర్మిస్తున్నారు.
ఇందులో గోపీచంద్ సరసన డింపుల్ హయతి హీరోయిన్ గా నటిస్తుండగా, జగపతి బాబు, కుష్బూ ప్రధాన పాత్రల్లో కనిపించనున్నారు. తాజాగా ఈ సినిమా రిలీజ్ డేట్ ఫిక్స్ చేశారు. మే 5న విడుదల చేయబోతున్నట్లు ప్రకటిస్తూ, ఓ పోస్టర్ విడుదల చేశారు. గోపీచంద్ పవర్ ఫుల్ లుక్ ఈ పోస్టర్ లో చూడొచ్చు.
ఈ చిత్ర ప్రకటన వచ్చినప్పటి నుంచే 'రామబాణం'పై ప్రేక్షకుల్లో భారీ అంచనాలు నెలకొన్నాయి. ఆ అంచనాలను రెట్టింపు చేస్తూ ఇటీవల మహా శివరాత్రి కానుకగా విడుదలైన ఫస్ట్ లుక్ పోస్టర్, 'విక్కీస్ ఫస్ట్ యారో' అనే ప్రత్యేక వీడియో ప్రేక్షకులను విశేషంగా ఆకట్టుకున్నాయి.
మిక్కీ జే మేయర్ ఈ సినిమాకు సంగీతం అందిస్తున్నాడు. గోపీచంద్ కెరీర్ లో 30వ చిత్రం ఇది. ఈ సినిమాకి భూపతి రాజా కథ అందించగా, వెట్రి పళని స్వామి సినిమాటోగ్రాఫర్ గా వర్క్ చేస్తున్నాడు.
