Nenu Student Sir: ఫస్ట్ సింగిల్ ఎలా ఉందంటే!
Nenu Student Sir: బెల్లంకొండ గణేష్ హీరో గా నటించిన ఈ చిత్రం నుంచి తొలి పాట విడుదల అయింది.
'స్వాతిముత్యం' సినిమాతో ఆకట్టుకున్న యంగ్ హీరో బెల్లంకొండ గణేష్ తన రెండో సినిమా ''నేను స్టూడెంట్ సార్!' తో ప్రేక్షకులముందుకు రాబోతున్నాడు. ఎస్వీ2 ఎంటర్ టైన్‌ మెంట్ బ్యానర్‌ లో 'నాంది' సతీష్ వర్మ ఈ సినిమాను నిర్మిస్తున్నాడు. నూతన దర్శకుడు రాకేష్ ఉప్పలపాటి దర్శకత్వం వహిస్తున్నాడు.
ఇదొక యాక్షన్ ఎంటర్ టైనర్. తాజాగా వచ్చిన టీజర్ కు కూడా మంచి రెస్పాన్స్ వచ్చింది. ఇప్పుడు సాంగ్స్ తో హల్ చల్ చేస్తోంది ఈ సినిమా.
డైరెక్టర్ గోపీచంద్ మలినేని ఈ సినిమా ఫస్ట్ సింగిల్ మాయే మాయే లిరికల్ వీడియోను లాంచ్ చేశాడు. క్యాచి ట్యూన్ తో ఆకట్టుకునే మెలోడీ గా ఈ పాటని స్వరపరిచారు మహతి స్వర సాగర్. మహతితో పాటు కపిల్ కపిలన్‌ ఈ పాటని ఆలపించారు.
కృష్ణ చైతన్య సాహిత్యం ప్రత్యేక ఆకర్షణగా నిలిచింది. కథానాయకుడు గణేష్ కి అవంతిక దస్సానిపై ఉన్న ప్రేమను ఈ పాట వర్ణిస్తుంది. గణేష్, అవంతిక ఇద్దరూ కూల్ గా కనిపిస్తున్నారు.
ఈ చిత్రానికి కృష్ణ చైతన్య కథ అందించాడు. కళ్యాణ్ చక్రవర్తి డైలాగ్స్ అందించాడు. త్వరలోనే మూవీ రిలీజ్ డేట్ ను ఎనౌన్స్ చేస్తారు.
