Bholaa Shankar - భోళాశంకర్ ఫస్ట్ లిరికల్ సాంగ్ వచ్చేసింది
Bholaa Shankar Song - చిరంజీవి హీరోగా నటిస్తున్న సినిమా భోళాశంకర్. ఈ సినిమా నుంచి ఫస్ట్ లిరికల్ సాంగ్ రిలీజైంది.
మెగాస్టార్ చిరంజీవి, మెహర్ రమేష్ కాంబోలో వస్తున్న సినిమా 'భోళా శంకర్'. ఇవాళ్టి నుంచి ఈ సినిమా మ్యూజికల్ ప్రమోషన్స్ మొదలయ్యాయి. ఈరోజు విడుదలైన మొదటి పాట భోళా మానియా మాస్ ని ఆకట్టుకునే బీట్‌ తో ఎనర్జిటిక్ గా ఉంది. రామజోగయ్య శాస్త్రి సాహిత్యం రాసిన ఈ పాటను మహతి స్వర సాగర్ స్వరపరిచాడు. రేవంత్ ఆలపించాడు.
విడుదల చేసింది లిరికల్ వీడియోనే అయినప్పటికీ, అందులో మెగాస్టార్ చిరంజీవి గ్రేస్ ఫుల్ డ్యాన్స్ మూమెంట్స్ పెట్టారు. ఆ స్టెప్పులు చూడ్డానికి కన్నుల పండుగలా ఉన్నాయి. ఈ స్టెప్స్ తో ఫ్యాన్స్ పండగ చేసుకుంటున్నారు. సుస్మిత కొణిదెల స్టైలింగ్, కాస్ట్యూమ్ డిజైనర్ గా పని చేస్తున్నారు. ఈ పాటలో చిరంజీవి స్టైలిష్‌గా, యంగ్‌గా కనిపించారు.
అనిల్ సుంకర నిర్మించిన ఈ కమర్షియల్ ఎంటర్‌టైనర్ లో తమన్న హీరోయిన్ గా నటించగా.. కీర్తి సురేష్ చిరంజీవి సిస్టర్ గా కనిపించనుంది. హీరో సుశాంత్ ఈ సినిమాలో లవర్ బాయ్ తరహా పాత్రలో కనిపించనున్నారు.
ఇకపై భోళాశంకర్ నుంచి దశలవారీగా పాటలు రాబోతున్నాయి. ఇవాళ్టి సాంగ్ ను దేవిశ్రీ ప్రసాద్ లాంచ్ చేయడం విశేషం. భోళా శంకర్ ఆగస్టు 11న ప్రపంచ వ్యాప్తంగా గ్రాండ్‌గా విడుదల కానుంది.
