లాంగ్ గ్యాప్ తర్వాత మెగాఫోన్ పట్టిన దర్శకుడు

స్వయంవరం, నువ్వే కావాలి, నువ్వు నాకు నచ్చావ్, మన్మధుడు, మల్లీశ్వరి లాంటి బ్లాక్‌బస్టర్‌ చిత్రాల దర్శకుడు కె విజయ్ భాస్కర్, లాంగ్ గ్యాప్ తర్వాత మళ్లీ మెగా ఫోన్ పట్టుకున్నారు. ఆయన దర్శకత్వంలో ఎస్ఆర్కే బ్యానర్ పై గుంటూరు రామకృష్ణ ఓ సినిమాను నిర్మిస్తున్నారు.

శ్రీ కమల్ హీరోగా పరిచయం అవుతున్న ఈ చిత్రంలో శివాని రాజశేఖర్ హీరోయిన్ గా నటించనుంది. విజయ భాస్కర్‌ దర్శకత్వంలో వస్తున్న 13వ చిత్రమిది. మూవీ రెగ్యులర్ షూటింగ్ కూడా మొదలైంది.

గతంలో విజయ్ భాస్కర్ తీసిన సినిమాలకు రైటర్ గా పనిచేశాడు త్రివిక్రమ్. ఆ తర్వాత త్రివిక్రమ్ స్టార్ డైరక్టర్ అయిపోయాడు. విజయ్ భాస్కర్ కెరీర్ పడిపోయింది. ఇప్పుడీ కొత్త ప్రాజెక్టుకు త్రివిక్రమ్, ప్రత్యేక అతిథిగా హాజరయ్యాడు. తన గురువు సినిమాకు క్లాప్ కొట్టాడు. ఆల్ ది బెస్ట్ చెప్పాడు.

ఈ సినిమాకు మణిశర్మను సంగీత దర్శకుడిగా తీసుకున్నారు. రాజేంద్ర ప్రసాద్, మురళీ శర్మ లాంటి సీనియర్ క్యారెక్టర్ ఆర్టిస్టులు ఇందులో నటిస్తున్నారు.