Dhanush | కెప్టెన్ మిల్లర్ కొత్త రిలీజ్ డేట్
Dhanush - ధనుష్ హీరోగా నటించిన కెప్టెన్ మిల్లర్ సినిమా తమిళ్ లో రిలీజైంది. ఇప్పుడు తెలుగు వెర్షన్ రిలీజ్ కు డేట్ సెట్ చేశారు.
నేషనల్ అవార్డ్ విన్నింగ్ స్టార్ ధనుష్ పాన్ ఇండియా ఫిల్మ్ కెప్టెన్ మిల్లర్. అరుణ్ మాథేశ్వరన్ దర్శకత్వంలో రూపొందిన ఈ చిత్రం తెలుగు వెర్షన్ మినహా అన్ని భాషలలో తాజాగా విడుదలైంది.
ఈ సినిమా తెలుగు హక్కులను కొనుగోలు చేసిన ఏషియన్ మల్టీప్లెక్స్ ప్రైవేట్ లిమిటెడ్, సురేష్ ప్రొడక్షన్స్ జనవరి 25న తెలుగు రాష్ట్రాల్లో కెప్టెన్ మిల్లర్‌ని విడుదల చేయనున్నట్లు అనౌన్స్ చేశారు.
అందరినీ ఆకట్టుకునే ప్రమోషనల్ కంటెంట్ తో ఈ చిత్రం ఇప్పటికే హ్యుజ్ బజ్ ని క్రియేట్ చేసింది. తాజాగా విడుదలైన ట్రైలర్ అంచనాలని మరింతగా పెంచింది. ఏషియన్ మూవీస్, సురేష్ ప్రొడక్షన్స్ కలయికతో కెప్టెన్ మిల్లర్ కు తెలుగు రాష్ట్రాల్లో భారీగా థియేటర్లు దక్కనున్నాయి.
కెప్టెన్ మిల్లర్ ఓ పీరియాడిక్ యాక్షన్ డ్రామా. జివి ప్రకాష్ కుమార్ సంగీతం అందించిన ఈ సినిమాలో ప్రియాంక మోహన్ హీరోయిన్ గా నటించింది. సందీప్ కిషన్, డాక్టర్ శివ రాజ్ కుమార్ కీలక పాత్రలో కనిపించారు. బాహుబలి ఫ్రాంచైజీ, ఆర్ఆర్ఆర్, పుష్ప వంటి చిత్రాలకు పనిచేసిన మధన్ కార్కీ ఈ చిత్రం తమిళ వెర్షన్‌కు డైలాగ్స్ రాశారు.
