కల్యాణ్ రామ్ కెరీర్ లోనే హయ్యస్ట్ ఓపెనింగ్

చాలా ఏళ్లుగా ఇండస్ట్రీలో కొనసాగుతున్నాడు కల్యాణ్ రామ్. ఎన్నో సినిమాలు చేశాడు, మంచి హిట్స్ కొట్టాడు. అయితే అవన్నీ ఒకెత్తు, బింబిసార ఒక్కటి మరో ఎత్తు. కల్యాణ్ రామ్ కెరీర్ లోనే బిగ్గెస్ట్ ఓపెనర్ గా నిలిచింది ఈ మూవీ. నిన్న రిలీజైన ఈ సినిమాకు మొదటి రోజు తెలుగు రాష్ట్రాల్లో ఏకంగా 6 కోట్ల 27 లక్షల రూపాయల షేర్ వచ్చింది.

ఈ సినిమాను ఏపీ,నైజాంలో 13 కోట్ల రూపాయలకు అమ్మారు. తొలి రోజే సగం బ్రేక్ ఈవెన్ సాధించినట్టయింది. ట్రేడ్ అంచనా ప్రకారం.. ఈ వీకెండ్ గడిచేసరికి ఈ సినిమా బ్రేక్ ఈవెన్ అయ్యే ఛాన్స్ ఉంది.

కల్యాణ్ రామ్ కెరీర్ లో ఇప్పటివరకు ఇజం సినిమా మాత్రమే బిగ్గెస్ట్ ఓపెనర్. ఆ సినిమాను బింబిసారుడు క్రాస్ చేశాడు. వశిస్ఠ్ ఈ సినిమాతో దర్శకుడిగా పరిచయమయ్యాడు. మొదటి రోజు బింబిసార బ్రేకప్ ఇలా ఉంది. (షేర్ వాల్యూస్)

నైజాం - 2.12 కోట్లు (జీఎస్టీతో కలిపి)

సీడెడ్ - 1.30

వైజాగ్ - 0.90 (జీఎస్టీతో కలిపి)

ఈస్ట్ - 43 లక్షలు

వెస్ట్ - 36 లక్షలు

కృష్ణా - 34 లక్షలు

గుంటూరు - 57 లక్షలు

నెల్లూరు - 26 లక్షలు