Balakrishna: నాకు డ్రీమ్ రోల్స్ లేవు

డ్రీమ్ రోల్ ఏంటని అడిగితే ప్రతి హీరో కొన్ని పాత్రల పేర్లు చెబుతాడు. ఫలానా పాత్ర చేయాలని ఉందంటూ మనసులో మాటలు బయటపెడుతుంటారు. అయితే హీరో బాలకృష్ణ మాత్రం వీటికి పూర్తి విరుద్ధం. తనకు డ్రీమ్ రోల్స్ లేవంటున్నాడాయన. దానికి ఓ లాజిక్ కూడా చెబుతున్నాడు.

"నాకు డ్రీమ్ రోల్స్ అంటూ ఏం లేవు. పాత్రలు వస్తుంటాయి, నచ్చుతాయి, చేస్తుంటాను. నటన అనేది ఓ విస్పోటనం. నచ్చిన పాత్రల్ని ఆవాహనం చేసుకోవడమే. అలాంటి పాత్రల్లోనే నా డ్రీమ్ రోల్స్ ఉంటాయి. ఆదిత్య-999-మ్యాక్స్ అనే సినిమా ఈ ఏడాదిలోనే స్టార్ట్ చేస్తున్నాం. అది కూడా నా డ్రీమ్ రోలే."

ఇలా పాత్రల విషయంలో ఎప్పటికప్పుడు తన డ్రీమ్స్ మారిపోతుంటాయనే విషయాన్ని బయటపెట్టారు బాలకృష్ణ. వీరసింహారెడ్డి సినిమాతో థియేటర్లలోకి వచ్చిన ఈ నటుడు, ఫ్యాన్స్ తో పాటు అన్ని వర్గాల ప్రేక్షకుల్ని తమ సినిమా ఆకట్టుకుంటుందని అంటున్నారు.

గోపీచంద్ మలినేని దర్శకత్వంలో తెరకెక్కిన ఈ సినిమాలో శృతిహాసన్ హీరోయిన్. తమన్ సంగీతం అందించాడు.