Anushka Sharma | 5 రోజుల కిందటే బిడ్డకు జన్మనిచ్చిన హీరోయిన్

అనుష్క శర్మ గర్భంపై ఈమధ్య కాలంలో జరిగిన చర్చ అంతా ఇంతా కాదు. ఆమె బిడ్డకు జన్మనివ్వబోతోందని కొందరు, లేదని మరికొందరు ప్రకటనలు చేశారు. క్రికెటర్ ఏబీ డెవిలియర్స్ అయితే ముందుగా ఒకటి ప్రకటించి, ఆ తర్వాత ఏకంగా క్షమాపణలు చెప్పాడు. వాళ్లకు ప్రైవసీ ఇవ్వాలని కోరాడు.

ఇప్పటికీ ఓవైపు ఇలా చర్చ నడుస్తూనే ఉంది. కానీ గమ్మత్తైన విషయం ఏంటంటే, ఆల్రెడీ అనుష్క శర్మ ఓ బిడ్డకు జన్మనిచ్చింది. 5 రోజుల కిందటే విరాట్ కోహ్లి, అనుష్క శర్మ దంపతులకు బాబు పుట్టాడు.

ఈ విషయాన్ని ఈరోజు ప్రకటించింది ఈ జంట. తమకు బాబు పుట్టాడని బాహ్యప్రపంచానికి తెలియజేశారు. వీళ్లకు ఇప్పటికే వమిక అనే అమ్మాయి ఉన్న సంగతి తెలిసిందే. ఇప్పుడు పుట్టిన బాబుకు అకాయ్ అనే పేరుపెట్టారు.

అందరి దీవెనలు, శుభాకాంక్షలు తమకు కావాలని తెలిపిన ఈ జంట, అదే టైమ్ లో తమ ప్రైవసీని గౌరవించాలని కోరింది. బాలీవుడ్ ప్రముఖుల నుంచి క్రికెటర్ల వరకు చాలామంది ఈ జంటకు శుభాకాంక్షలు చెబుతున్నారు.