Mahesh Babu: మహేష్ తండ్రిగా అమితాబ్ బచ్చన్?

మహేష్-త్రివిక్రమ్ సినిమాకు సంబంధించి రోజుకో పుకారు పుట్టుకొస్తోంది. మొన్నటివరకు హీరోయిన్ల విషయంలో పుకార్లు వచ్చాయి. ఎప్పుడైతే ఫస్ట్ హీరోయిన్ గా పూజాహెగ్డే, సెకెండ్ హీరోయిన్ గా శ్రీలీల ఫిక్స్ అయ్యారో ఆ పుకార్లు ఆగిపోయాయి. ఆ తర్వాత విలన్ విషయంలో పుకార్లు వచ్చాయి. బాలీవుడ్ నటుడు సంజయ్ దత్ ను ఇందులో విలన్ గా తీసుకుంటున్నారంటూ ప్రచారం జరిగింది.

ఇప్పుడు మరో కొత్త పుకారు ఈ సినిమాపై వినిపిస్తోంది. త్రివిక్రమ్ దర్శకత్వంలో రాబోతున్న సినిమాలో మహేష్ తండ్రి పాత్ర కోసం అమితాబ్ బచ్చన్ ను తీసుకున్నారట. పాన్ ఇండియా లెవెల్లో వస్తున్న ఈ సినిమాలో బిగ్ బిని తీసుకుంటే బాగుంటుందనేది అందరి అభిప్రాయం.

మరోవైపు ఈ సినిమా రెగ్యులర్ షూటింగ్ కు ఏర్పాట్లు జరుగుతున్నాయి. జవవరి నుంచి మహేష్-త్రివిక్రమ్ కలిసి సెట్స్ పైకి వెళ్లబోతున్నారు. దీనికి సంబంధించి 3 భారీ సెట్స్ నిర్మిస్తున్నారు.

ఈ గ్యాప్ లో మరోసారి విదేశాలకు వెళ్లబోతున్నాడు మహేష్. పిల్లలకు క్రిస్మస్ శెలవులు వస్తుండడంతో, కుటుంబ సమేతంగా విదేశాలకు వెళ్లాలని నిర్ణయించుకున్నాడు. డిసెంబర్ 31 రాత్రి కూడా విదేశాల్లోనే గడిపి, జనవరి మొదటి వారంలో తిరిగి హైదరాబాద్ రావాలనేది మహేష్ బాబు ప్లాన్.