Top Gear: ఆది సాయికుమార్ టాప్ గేర్ ట్రయిలర్ ఎలా ఉందంటే?
Top Gear Movie Trailer Review: ఆది సాయికుమార్ నుంచి మరో మూవీ రెడీ అయింది. దీని పేరు టాప్ గేర్. తాజాగా ట్రయిలర్ రిలీజ్ చేశారు.
'టాప్ గేర్' అనే యాక్షన్ థ్రిల్లర్ మూవీతో ఆడియన్స్ ముందుకు రాబోతున్నాడు ఆది సాయికుమార్. శశికాంత్ దర్శకత్వంలో శ్రీధర్ రెడ్డి నిర్మాణ సారథ్యంలో ఈ టాప్ గేర్ సినిమా తెరకెక్కింది. ఆదిత్య మూవీస్ & ఎంటర్‌టైన్‌మెంట్స్ సమర్పణలో శ్రీ ధనలక్ష్మి ప్రొడక్షన్స్ బ్యానర్ పై సర్వ హంగులతో ఈ సినిమాను రూపొందించారు.
డిసెంబర్ 30న ఈ టాప్ గేర్ చిత్రాన్ని గ్రాండ్ గా విడుదల చేయబోతున్నారు. ఈ మేరకు తాజాగా ఈ సినిమా ట్రైలర్ రిలీజ్ చేశారు. కొద్దిసేపటి క్రితం రవితేజ చేతుల మీదుగా టాప్ గేర్ ట్రైలర్ రిలీజ్ చేశారు.
2 నిమిషాల 9 సెకనుల నిడివితో కట్ చేసిన ఈ ట్రైలర్ లో ప్రతి సన్నివేశం ఉత్కంఠ భరితంగా ఉంది. టాప్ గేర్ సినిమాలోని వైవిధ్యాన్ని తెలిపేలా ట్రైలర్ కట్ చేసి సినిమాపై ఆసక్తి రేకెత్తించారు. ఈ వీడియోలో ఆది సాయి కుమార్ యాక్షన్ సీన్స్, సాయి శ్రీరామ్ సినిమాటోగ్రఫీ బాగున్నాయి.
హీరో హీరోయిన్ మధ్య నడిచే లవ్, రొమాంటిక్ సన్నివేశాలు అట్రాక్ట్ చేస్తున్నాయి. ఈ ప్రేమలో ట్విస్టులు, విలన్స్ అటాక్, హర్షవర్ధన్ రామేశ్వర్ అందించిన బ్యాక్ గ్రౌండ్ స్కోర్ హైలైట్ గా నిలిచాయి. ఎవర్రా మీరు.. నన్నెందుకు చంపాలనుకుంటున్నారు? అని హీరో ఆది సాయి కుమార్ చెప్పే డైలాగ్ సినిమాపై ఆసక్తి పెంచింది.
ఈ కథ మొత్తం ట్యాక్సీ డ్రైవర్ అయిన ఆది సాయి కుమార్ చుట్టూ తిరుగుతూ ఆడియన్స్‌కి థ్రిల్ ఫీల్ తెప్పిస్తుందని టాప్ గేర్ ట్రైలర్ స్పష్టం చేసింది.
