2018 Movie - 70శాతం అధికంగా వసూళ్లు

కొన్ని సినిమాలకు పబ్లిసిటీ అక్కర్లేదు. కేవలం మౌత్ టాక్ తో సూపర్ హిట్ అవుతాయి. రీసెంట్ గా వచ్చిన ది కేరళ స్టోరీ అలాంటిదే. ఇప్పుడిదే కోవలోకి మరో మలయాళం సినిమా చేరబోతోంది. దాని పేరు 2018. తెలుగులో ఈ సినిమా సైలెంట్ హిట్ కొట్టింది.

కేరళలో అతి తక్కువ రోజుల్లో 100 కోట్లు షేర్ రాబట్టింది ఈ చిత్రం. అలా ఓ మోస్తరు అంచనాలతో, మే 26న తెలుగులో విడుదల అయింది. బన్నీ వాస్ రిలీజ్ చేసిన ఈ సినిమాకు రోజురోజుకు అనూహ్యంగా క్రేజ్ పెరుగుతోంది.

తెలుగులో విడుదల చేసిన మొదటిరోజు కోటి రూపాయలు వసూలు చేసి అందర్నీ ఆశ్చర్యపరిచింది 2018 మూవీ. ఇదే ఆశ్చర్యం అనుకుంటే, అంతకు మించిన ఆశ్చర్యకరమైన విషయం ఏమిటంటే, కేవలం మౌత్ టాక్ ఈ సినిమా రెండవ రోజు 1.7 గ్రాస్ ను సాధించింది. మొదటి రోజు కంటే రెండవరోజు కలక్షన్స్ పెరగడం అతి తక్కువ సినిమాలకు జరుగుతుంది. 2018 సినిమాకి అమాంతం 70 శాతం వసూళ్లు పెరగడం విశేషం.

2 రోజులు గాను ఈ సినిమా మొత్తం కలక్షన్స్ 2.7 కోట్ల గ్రాస్ పైగా ఉంది. 2018 కేరళలో వచ్చిన వరదల ఆధారంగా ఈ చిత్రం తెరకెక్కింది. టోవినో థామస్, ఇంద్రన్స్, కుంచాకో బోబన్, అపర్ణ బాలమురళి, వినీత్ శ్రీనివాసన్, ఆసిఫ్ అలీ, లాల్, నరేన్, జాయ్ మాథ్యూ, తదితరులు నటించిన ఈ సినిమా మల్లూవుడ్ లో మరో మాస్టర్ పీస్ గా నిలిచింది.