సూర్యోదయరథం

దాహం తీర్చే తియ్యటి ఊటల

ఊసేలేదు

దరికి చేర్చే బంగారుబాట

పడనేలేదు.

ధైర్యాన్నిచ్చి నడిపించే బావుటా

ఎగరట్లేదు

మనసుకు హాయినిచ్చే

వెన్నెలపాట

ఏ కోకిలా పాడట్లేదు.

మనల్ని తట్టిలేపే మంచిమాట

ఏ వేదికపైనా విన్పించట్లేదు.

అయినా చిన్నకాల్వలా

సంజీవనీ నది ప్రవహిస్తూనేవుంది.

సూర్యాస్తమయాల

కాలంలోనూ

వెలుగుతున్నదివ్వెను పట్టుకుని వెతికితే

సూర్యోదయాల రథం

కదుల్తూనే వుంది.

- నవీన్

( మహబూబ్ నగర్ )