శబ్దవేదన (కవిత)
BY Telugu Global28 Aug 2023 6:16 PM GMT
X
Telugu Global Updated On: 28 Aug 2023 6:16 PM GMT
ఎదలోంచి శబ్దం పెల్లుబుకుతూ
ప్రవహిస్తోంది
నిశ్శబ్దం వేధింపుకు గురి అయిన
శబ్దం అది
అదోలాంటి దైన్యం
మూగవాని రోదనలా ఉంది
వేటగాని వలలో చిక్కిన
లేడి చూపులా జాలిగా.. దీనంగా..
గుండె నిండా సవ్వడి చేయని
ప్రశ్నల వలయాలు
ఏదీ నిలవటం లేదు
గోడమీంచి దూకు వర్షపు చుక్కల్లా
రూపం కోల్పోతూ
ఉనికిని మిగుల్చుకుంటూ .......
ఏమైందీ వేళ
మదిలోని భావమేదీ
కాగితంపై ఆగనంటూ..
ఈ స్థితిని దాటి మరో స్థితిని చేరాలని మనసు ఆరాటం
కానీ గమ్యం స్థితిని మార్చదు
గమనం గతిని జతచేయదు
ఇదేనా జీవన్మరణo
-మొదలి పద్మ
Next Story