అద్దం - ఆసూరి ఉషారాణి (తిరుపతి)

మనం ఎలా ఉంటామో

అదే చూపిస్తుంది అద్దం

అబద్ధం చెప్పనిది

నిజం దాచలేనివది

అద్దం

వెనుక మాట్లాడడ మెరుగనిది

అద్దం

ముందే నిర్భయంగా కనిపించేది

అద్దం

మౌనంగా వుంటూ

ఎన్నో పాఠాలు

నేర్పేది అద్దం

ఎంత తిట్టినా

ఎదురు మాట్లాడని

పెదవి విప్పనిది

అద్దం

ఒద్దికగా వుంటూ జరిపితే జరుగుతుంది.

పగిలితే

ఇక అతకనిది

ఎన్నో రూపాలుగా

బహిర్గతమయ్యే

ఏకైక వస్తువు

అద్దమే!