భారత పతాక
BY Telugu Global14 Aug 2023 10:07 PM GMT
X
Telugu Global Updated On: 14 Aug 2023 10:07 PM GMT
నైర్మల్య ధావళ్య నైసర్గిక ప్రభా
లావణ్య దీధితుల్ లాస్యమాడ
సస్య సుశ్యామల సౌభాగ్య సౌందర్య
మార్య సంస్తుతమై అదటు వాప
వైరాగ్య వైదుష్య వైభవ ప్రాభవ
ప్రతిభా రుణార్చులు ప్రభల బర్వ
ధర్మైక దాక్షిణ్య దక్షరక్ష స్ఫుటా
శోకచక్ర స్ఫూర్తి శోభలెనయ
వర్ణ త్రితయంబు దిగ్డిశల్ ప్రజ్వరిల్ల
ధర్మచక్రంబు చక్రమై తాండవింప
విశ్వ విఖ్యాతి గాంచిన విజయరేఖ
ప్రణతులివె నీకు భారత ప్రభుపతాక!
- డాక్టర్ గాజుల రోశయ్య
Next Story