ఏడవ రుచి
BY Telugu Global23 March 2023 5:13 AM GMT
![ఏడవ రుచి ఏడవ రుచి](https://www.teluguglobal.com/h-upload/2023/03/23/727960-ruchi.webp)
X
Telugu Global Updated On: 23 March 2023 5:14 AM GMT
ప్రతి ప్రేమలో పుట్టే
పరిమళంలా
వసంత సుందరి
వగలు వయ్యారాల
మాధుర్యంలో తీపి
మరింత పసందు
వలపుల కులుకుల
కోకిల పిలుపుల పులుపు
పొరిగింటి ఇరుగింటి
కూరల పులుపుల మధ్య జరిగే
గిల్లి కజ్జాల పొగరులో వగరు
మన మనసున మరిగి
మసలి కోపంలా రగిలే
పగలు ప్రతీకారాల కారం
వంటల్లో ఉన్నట్టు లేనట్టు
ఉండాల్సిన రుచి
అది తిన్న వారిలో
విశ్వాసానికి ఉన్న హేతువులా
ఉప్పు
చెడిన చెలిమిని బాధించి
గుండెను పిండే చెడ్డది చేదు
అయినా తీపి రోగాలతో
తినలేని తీపి కన్నా
మేలైనదీ చేదు
షడ్రృచుల సంగమంతో
సంతోషఫలాల సలాడ్ నే
ఉగాది పచ్చడిగ పేరెడదాం
సంవత్సరాది సందర్భంగా
ఆరు రుచులకు తోడుగ
ఏడవ రుచిలా
మంచిని కూడా పంచుదాం
సమాజ శ్రేయస్సుకు
చేతులు కలిపి
సంకల్పాల సందడి చేద్దాం.
-దుద్దుంపూడి అనసూయ
(రాజ మహేంద్రవరం)
Next Story