జగన్ సభలో ఇలా జరిగిఉంటే..

నెల్లూరు జిల్లా కందుకూరులో చంద్రబాబు నిర్వహించిన రోడ్ షో విషాదం మిగిల్చిన విషయం తెలిసిందే. జనాలు బాగా తరలివచ్చారని డ్రోన్ కెమెరాల్లో చిత్రీకరించేందుకే .. ఇరుకు సందులో టీడీపీ ఈ మీటింగ్ పెట్టిందన్న ఆరోపణలు కూడా వినిపిస్తున్నాయి. ఏది ఏమైనా 8 మంది మృతిచెందడం విషాదం. కాగా ఈ విషయంపై టీడీపీ అనుకూల మీడియాలో ఇదో ప్రమాద ఘటనే అన్నట్టుగా వార్తలు వచ్చాయి. టీడీపీ నిర్వాహకుల తప్పు ఉన్నట్టు ఎక్కడా ఒక్క వాక్యం కూడా లేదు.

మరోవైపు ఈ ఘటనపై పవన్ కల్యాణ్ కూడా స్పందించారు. విచారం వెలిబుచ్చారు. ఇదిలా ఉంటే.. ఇదే ఘటన జగన్ మీటింగ్ లో జరిగి ఉంటే.. ఎల్లో మీడియా, పవన్ కల్యాణ్ స్పందన ఎంత దారుణంగా ఉండేద‌నే విమర్శలు వినిపిస్తున్నాయి. ముఖ్యంగా వైసీపీ సోషల్ మీడియా ఈ విషయంపై ప్రశ్నిస్తోంది. జగన్ సభలో గనక ఈ ఘటన జరిగి ఉంటే.. కచ్చితంగా ప్రభుత్వానిది.. వైసీపీదే తప్పని వీరంతా గ‌గ్గోలు పెట్టేవారు కదా.. అని వారు అంటున్నారు.

ఇక ఈ ఘటనపై ముఖ్యమంత్రి జగన్ కూడా మానవతా దృక్పథంతో స్పందించారు. ఎక్కడా ఒక్క రాజకీయ కామెంట్ కూడా చేయకుండా.. బాధితులకు ప్రభుత్వం తరఫున సాయం ప్ర‌క‌టించారు. అదే చంద్రబాబు నాయుడు ముఖ్య‌మంత్రిగా ఉండి ఉంటే కచ్చితంగా రాజకీయకోణంలోనే విమర్శలు చేసేవారని వైసీపీ ఆరోపిస్తోంది.

ఈ ఘటనలో తెలుగుదేశం పార్టీ వారి లోపం కచ్చితంగా కనిపిస్తోందని.. ఇరుకు రోడ్డులో మీటింగ్ పెట్టినప్పుడు అందుకు తగిన ఏర్పాట్లు ఎందుకు చేయలేదని వారు అంటున్నారు. జనం ఎంత మంది వస్తారన్న అంచనా లేకుండా ఎందుకు ఇటువంటి సభ నిర్వహించారని విమర్శలు వినిపిస్తున్నాయి.