Telugu Global
Andhra Pradesh

తెలంగాణ కొత్త స‌చివాల‌యంలో అగ్నిప్ర‌మాదం.. - మంట‌ల‌ను అదుపులోకి తెచ్చిన అధికారులు

ఫిబ్ర‌వ‌రి 17న నూత‌న స‌చివాల‌య ప్రారంభోత్స‌వం నిర్వ‌హించాల్సిన త‌రుణంలో ఉడ్ వ‌ర్క్ వేగవంతంగా చేస్తున్నారు. ఈ నేపథ్యంలోనే షార్ట్ స‌ర్క్యూట్ అయ్యి ఈ ప్ర‌మాదం జ‌రిగి ఉంటుంద‌ని భావిస్తున్నారు.

తెలంగాణ కొత్త స‌చివాల‌యంలో అగ్నిప్ర‌మాదం.. - మంట‌ల‌ను అదుపులోకి తెచ్చిన అధికారులు
X

తెలంగాణ ప్ర‌భుత్వం ప్ర‌తిష్టాత్మ‌కంగా నిర్మిస్తున్న‌ కొత్త స‌చివాల‌యంలో అగ్నిప్ర‌మాదం సంభ‌వించింది. శుక్ర‌వారం తెల్ల‌వారుజామున మూడు గంట‌ల స‌మ‌యంలో ఈ ఘ‌ట‌న జ‌రిగింది. దీంతో అప్రమ‌త్త‌మైన అగ్నిమాప‌క శాఖ అధికారులు 11 ఫైరింజ‌న్ల‌తో మంట‌ల‌ను అదుపులోకి తెచ్చారు.

ఫిబ్ర‌వ‌రి 17న నూత‌న స‌చివాల‌య ప్రారంభోత్స‌వం నిర్వ‌హించాల్సిన త‌రుణంలో ఉడ్ వ‌ర్క్ వేగవంతంగా చేస్తున్నారు. ఈ నేపథ్యంలోనే షార్ట్ స‌ర్క్యూట్ అయ్యి ఈ ప్ర‌మాదం జ‌రిగి ఉంటుంద‌ని భావిస్తున్నారు. ఈ ఘ‌ట‌న నేప‌థ్యంలో స‌చివాల‌య గుమ్మ‌టం ప్రాంతంలో మంట‌లు చెల‌రేగాయి. ప్ర‌మాదం ఏ ఫ్లోర్‌లో జ‌రిగింది.. దీనికి కార‌ణాలేంటి అనే విష‌యంలో మాత్రం అధికారిక స్ప‌ష్ట‌త రావాల్సి ఉంది.

అగ్ని ప్ర‌మాదం నేప‌థ్యంలో అధికారులు ఎన్టీఆర్ మార్గ్‌ను మూసేశారు. అసెంబ్లీ బ‌డ్జెట్ స‌మావేశాలు ప్రారంభ‌మ‌వుతున్న నేపథ్యంలో.. మంత్రులు ఇక్క‌డి ప‌రిస్థితిని ప‌ర్య‌వేక్షించే అవ‌కాశం ఉంది.

First Published:  3 Feb 2023 3:58 AM GMT
Next Story