SaiPallavi | తండేల్ సెట్స్ లో సాయిపల్లవి
Sai Pallavi - లిమిటెడ్ గా సినిమాలు చేసే సాయిపల్లవి, తండేల్ మూవీలో నటించడానికి అంగీకరించిన సంగతి తెలిసిందే. ఇప్పుడీ సినిమాను స్టార్ట్ చేసింది సాయిపల్లవి.
నాగ చైతన్య, చందూ మొండేటి, గీతా ఆర్ట్స్ కాంబినేషన్‌లో వస్తున్న సినిమా తండేల్. ఇటివలే సెట్స్ పైకి వెళ్ళింది ఈ మూవీ. ఉడిపిలో షూట్ ప్రారంభమైంది. ఇప్పుడు గోకర్ణకు షిఫ్ట్ అయ్యింది. ఈ చిత్రంలో హీరోయిన్ గా నటిస్తున్న సాయి పల్లవి, తాజాగా టీంలో జాయిన్ అయింది.
ఈ చిత్రంలో రాజు అనే జాలరి పాత్రలో నాగచైతన్య నటిస్తుండగా, అతని మనసుని గెలుచుకున్న అమ్మాయిగా సాయి పల్లవి కనిపిస్తోంది. ఇందులో అద్భుతమైన మ్యాజికల్ లవ్ స్టోరీని చూడబోతున్నాం. 'తండేల్' వరల్డ్ నుండి హీరోయిన్ స్టిల్ ను విడుదల చేశారు. ఈ ఇమేజ్ లో సాయి పల్లవి బీచ్‌లో నిలబడి సూర్యోదయాన్ని ఆస్వాదిస్తున్నట్లు కనిపిస్తోంది. అందమైన పల్లెటూరి అమ్మాయిగా కనిపించనుంది.
యదార్థ సంఘటనల కథ ఆధారంగా ఈ చిత్రం తెరకెక్కుతోంది. షూట్ ప్రారంభించే ముందు టీమ్ ఇంటెన్స్ ప్రీ-ప్రొడక్షన్ వర్క్ చేసింది. నాగ చైతన్య తన పాత్ర కోసం కంప్లీట్ మేక్ఓవర్ అయ్యారు.
కథలో సంగీతానికి మంచి స్కోప్ ఉన్నందున, జాతీయ అవార్డ్ విన్నింగ్ కంపోజర్ దేవిశ్రీ ప్రసాద్ ను తీసుకున్నారు. షామ్‌దత్ కెమెరా మేన్ గా వ్యవహరిస్తున్నాడు.