Bhaje Vaayu Vegam | సెంటిమెంట్ ఫాలో అవుతున్న కార్తికేయ

ప్రతిష్ఠాత్మక నిర్మాణ సంస్థ యూవీ క్రియేషన్స్ సమర్పణలో యూవీ కాన్సెప్ట్స్ బ్యానర్ పై హీరో కార్తికేయ గుమ్మకొండ హీరోగా నటిస్తున్న సినిమా "భజే వాయు వేగం". ఐశ్వర్య మీనన్ హీరోయిన్ గా నటిస్తోంది. హ్యాపీ డేస్ ఫేమ్ రాహుల్ టైసన్ కీలక పాత్ర పోషిస్తున్నాడు. 

ఎమోషనల్ యాక్షన్ థ్రిల్లర్ కథతో దర్శకుడు ప్రశాంత్ రెడ్డి ఈ చిత్రాన్ని రూపొందిస్తున్నాడు. ఈ నెల 31న "భజే వాయు వేగం" సినిమా ప్రపంచవ్యాప్తంగా గ్రాండ్ గా విడుదల చేయడానికి రెడీ అవుతున్నారు. 

ఈ సినిమాను నేషనల్ వైడ్ గా ప్రముఖ నిర్మాత, డిస్ట్రిబ్యూటర్ ధీరజ్ మొగిలినేని తన ధీరజ్ మొగిలినేని ఎంటర్ టైన్ మెంట్స్ సంస్థ ద్వారా రిలీజ్ చేస్తున్నాడు. 'బేబి', 'గుంటూరు కారం', 'హనుమాన్', 'గామి', 'ఓం భీమ్ బుష్', 'టిల్లు స్క్వేర్' వంటి సూపర్ హిట్ సినిమాలతో సక్సెస్ ఫుల్ డిస్ట్రిబ్యూటర్ అనిపించుకున్నాడు ధీరజ్ మొగిలినేని. అందుకే సెంటిమెంట్ గా "భజే వాయు వేగం" సినిమాను కూడా ఇతడికే అప్పగించారు.

ఈ సినిమా హీరో కార్తికేయకు చాలా ఇంపార్టెంట్. ఇంతకుముందు అతడు నటించిన బెదురులంక సినిమా ఫ్లాప్ అయింది. దీంతో భజే వాయువేగం సినిమాపై ఆశలు పెట్టుకున్నాడు. మూవీ టీజర్ కు మంచి రెస్పాన్స్ రావడంతో యూనిట్ ఊపిరి పీల్చుకుంది.